Category Archives: Басты

Қазан жалпы орта білім беретін мектебінде мектепалды даярлық сыныбында халықаралық әйелдер күні мерекесіне орай «Көктем гүлі» атты мерекелік іс-шара өткізілді.
Мақсаты: қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт дәстүріне байланысты әдептілікке, инабаттылыққа, ізеттілікке тәрбиелеу.
Мектепалды даярлық сыныбында өткізілген іс –шараға ата-аналар мен мектеп ұжымы шақырылды. Әр ата-ана балаларының өнерлерін тамашалап, жүздерінен шаттық мейірімге толы көңіл күйлері байқалды. Мерекелік іс шарның соңында ата –аналар құттықтаулар мен тілектерін білдірдіп, балаларға шағын сыйлықтар табысталуымен аяқталды.

Қазақ тілін оқуға арналған порталдар

15.06.2022

«Аbai.institute» – 2020 жылғы 18 қарашада Нұр-Сұлтан қаласында қазақ тілін Қазақстанда және шетелде оқыту және ілгерілету бағдарламасы шеңберінде әзірленген «Аbai.institute» веб-порталы таныстырылды. Бұл-еліміздің азаматтарына, шетелдегі қазақ диаспорасына және шетел азаматтарына қазақ тілін, әдебиеті мен мәдениетін насихаттауға мүмкіндік беретін бірегей жоба. Сондай-ақ, «Аbai.institute» Android және iOS қолдайтын мобильді қосымшада қолжетімді. Жоба Гете институты немесе Пушкин институты негізінде жасалған.
Портал 6 тілде (қазақ, ағылшын, неміс, француз, орыс, түрік, парсы) ұсынылған. Бүгінгі күні порталды пайдаланушылар саны – 20 183 адам.
Сондай-ақ Ресей, Түркия, Франция, Германия, Бельгия, Иран, Моңғолия елдеріндегі қазақ диаспорасы үшін қазақ тілін оқыту курстары өткізілді.
2021 жылы аталған жоба аясында АҚШ, Ресей, Түркия, Франция, Германия, Бельгия, Иран, Моңғолия, Өзбекстан елдеріндегі қазақ тілі оқытушыларының біліктілігін арттыру курстары өткізілді.
Сонымен қатар шетелдегі қазақ диаспорасына арналған қазақ тілін үйрететін әмбебап басылым әзірленді. А1, А2 деңгейлері бойынша басылымның контенті қазақ, орыс, түрік, ағылшын тілдерінде әзірленіп, «Abai.institute» онлайн платформасына орналастырылды.
Жоба аясында Түркия, АҚШ, Ресей, Франция, Германия, Бельгия, Иран, Моңғолия және Өзбекстанда қазақ тілі кабинеттерін ашу арқылы офлайн және онлайн оқыту жүргізілуде.
Жобада «Отандастар қоры» АҚ ерекше рөл атқарады, ол шетелдегі отандастармен жұмысты ұйымдастырады және жоғарыда аталған елдердегі қазақ тілі кабинеттерінің үздіксіз жұмысын қамтамасыз етеді.
Портал Android Және iOS қолдайтын мобильді қосымшада қол жетімді.
Қаралым – 182 740.

«Tilqural.kz» – қазақ тілін оқытуға арналған веб-сервис. Сайтта қазақ тілін білмейтін ересектерге А1, А2, В1, В2, С1 деңгейлерінде тіл үйренуге мүмкіндік беретін онлайн-курс бар.
Тіркелгеннен кейін пайдаланушы қазақ тілін меңгеру деңгейін анықтау үшін тестілеуден өтеді. Тестілеу нәтижелері бойынша жүйе оқу курсын ұсынады (5 деңгейдің бірі).
Сайт сөздік қорын толықтыруға, жаңа сөздердің мағынасын түсінуге және оларды күнделікті өмірде қолдануға, еркін оқуға, өз ойын ауызша да, жазбаша да жеткізуге, сөздерді дұрыс дыбыстауға, сөйлемдерді сауатты құрастыруға мүмкіндік береді.
Пайдаланушы жеке кабинетінде орындалған сабақтар бойынша статистиканы көре алады.
Қызметті Android, iOS платформалары арқылы жүктеуге болады.
Қаралым – 93 247.

«Tilmedia.kz» – 2017 жылы құрылған үштілді «Tilmedia.kz» сайты қызықты және тиімді тәсілдер арқылы қазақ тілін үйренуге болады.
Сайт жұмысы мемлекеттік, орыс және ағылшын тілдерін насихаттауға, олардың қолданылу аясы мен әдістемесін кеңейтуге бағытталған. Тілдерді оқыту әдістемесі аудио және бейне мазмұнға негізделген.
Сайтта латын және араб графикасы қарастырылған.
Сайт «ақпарат», «қара», «тыңда», «оқы», «сұрақ-жауап» атты 5 блогтан тұрады және онда тіл саясаты саласындағы өзекті мәселелер туралы жаңалықтар, сабақтар, сабақтар, танымдық аудиожазбалар, балалар мен ересектерге арналған бейнероликтер, аудиокітаптар, әдістемелік құралдар, көркем және балалар әдебиеті және т.б. орналастырылған.
Қаралым – 170 749.

«Вalatili.kz» сайты қазақ тілін оқып, дамытқысы келетін үш жастан асқан балаларға, сонымен қатар бала тәрбиесі мен оқытуды жүзеге асырушы тәрбиешілер мен мұғалімдерге, ата-аналарға арналады. Сайт интуитивті іздеу жүйесі мен ыңғайлы навигация жүйесі бар онлайн платформа негізінде жұмыс істейді.
Сайтта баланың өзіндік жұмысына арналған жұмыс парақтары, ұcтаздар мен тәрбиешілерге, ата-аналарға әдістеме парақтары ұсынылған.
Грамматика мен орфографияны үйренуге арналған материалдар, соның ішінде интерактивті әліпби мен ойындар, жас ерекшеліктеріне сәйкес аудиодиктанттар, каллиграфиялық дағдыларды дамытуға арналған тапсырмалар, қосымшалар қарастырылған. Балалардың жас ерекшеліктеріне сәйкес оқуға арналған көркем мәтіндер, соның ішінде қызықты әңгімелер, тақырыптық өлеңдер, интерактивке негізделіп жасалған жаңылтпаштар, жұмбақтар мен мақал-мәтелдер топтастырылған.
Мамандардың лингвистикалық мәселелерге қатысты мақалалары, ғылыми еңбектері, сондай-ақ балабақшалар мен бастауыш сынып мұғалімдеріне арналған оқу құралдары мен сабақ жоспарлары жарияланады.
Қаралым – 560 632.

Тілдік сауаттылықты арттыруға бағытталған сайттар
«Emle.kz» – сайты қазақша дұрыс жазу, жұртшылықтың тіл мәдениетін көтеру мақсатында құрылды. Деректер базасында қазақ тілінің өзекті орфографиялық сөздігі, орфография ережелері, осы салаға қатысты ғылыми әдебиеттер бар. Сайттың «Әдеби тіл нормалары» блогында сөз сазы, оның көркем әдебиет пен өмірдегі маңызы, ережелері мен қағидалары берілсе, «Орфография» блогында сөздердің дұрыс жазылу ережелері беріледі. Сондай-ақ кірме сөздер мен терминдік мәнге ие сөздердің бұрынғы және қазіргі жазылу барысындағы айырмашылықтары салыстырмалы түрде көрсетіледі. «Пунктуация» блогында тыныс белгілердің қойылу ретіне байланысты ережелер енгізілсе, «Аббревиатура» блогында қысқарған сөздер, олардың толық атаулары, қысқарылу реті, атаулар мен сөздерді қысқарту барысында басшылыққа алынатын қағидалар мен сүйенетін заңдылықтар келтіріледі. «Мақалалар» блогында осы саладағы ғалымдардың ғылыми мақалалары келтірілген. Оқырман автормен байланысып, мақаланың астына пікір қалдырып, сұрағына жауап ала алады.
Қаралым – 1 500 512.

«Termincom.kz» – сайты Қазақстан Республикасы Үкіметі жанындағы терминологиялық комиссия бекіткен терминдерді бірыңғай электрондық базаға үздіксіз енгізу, қазіргі заманғы ғылым, білім, техника және экономика, қоғамдық-әлеуметтік бағыттар бойынша салааралық терминологиялық қорды біріздендіру және жетілдіру мақсатында құрылды.
Бұл терминологиялық лексиканы біріздендіруге, терминологиялық қорды толықтыруға, терминдер мен атауларды қазақ тілінің нормаларына сәйкес реттеуге, терминологиялық атауларды пайдалану тиімділігін арттыру үшін қалың жұртшылыққа арналған ақпараттық құралдың бір түрі.
«Termincom.kz» электрондық сайты «Бекітілген терминдер», «Терминдер хронологиясы», «Қолданыстағы салалық терминдер», «Ойталқы», «Құқықтық-нормативтік база», «Ғылыми-әдіcтемелік негіздер» және «Іздеу» блоктарынан тұрады.
«Бекітілген терминдер» блогында Республикалық терминологиялық комиссиясында мақұлданған терминдер орналастырылса, «Терминдер хронологиясында» терминдердің бекітілу мерзімдері және олардың сөздік ретінде жарық көруінен мәліметтер беріледі.
«Қолданыстағы салалық терминдер» блогында Республикалық терминология комиссиясының мақұлдауымен жарық көрген терминологиялық сөздіктер салынды.
«Ойталқы» айдарында бекітуге ұсынылатын терминдерге қатысты әрбір оқырман өз ой-пікірін қалдыра алады.
«Ғылыми-әдістемелік негіздер» блогында терминжасам мәселелеріне қатысты еңбектер ұсынылып отыр.
Қаралым – 2 901 202.

«Sozdikqor.kz» – әртүрлі салалық сөздіктер мен энциклопедиялардағы сөздермен және тұрақты сөз тіркестерімен, ескірген қазақ сөздерімен, кірме сөздермен, ақпараттық технологиялардың даму кезеңіндегі жаңа технологиялық сөздердің мағынасымен танысуға мүмкіндік беретін алғашқы әмбебап платформа.
Базаға 400 000 сөз, 1 243 850 тілдік бірлік жүктелген.
Порталға 60-қа жуық түрлі салалық сөздіктер мен энциклопедиялар енгізілген. Атап айтқанда, 15 томдық Қазақ әдеби тілінің сөздігі, Абай сөздігі, Ахмет Байтұрсынов энциклопедиясы, қазақ тілінің синонимдер сөздігі, қазақ тілінің фразеологиялық сөздігі және т.б.
Порталдың іздеу жүйесі арқылы сөздердің анықтамасын, синонимдерін, антонимдерін, омонимдерін, сөздердің фразеологиялық тіркестерде кездесу жиілігін білуге болады.
2021 жылы «синонимайзер» функциясы қосылды, тестілеу кезеңі өткізілуде. Кілт сөздерді дыбыстандыру функциясы бар.
Порталдың мобильді қосымшасын Goolge Play және App Store-дан жүктеуге болады. @Sozdikqor.kz тelegram-бот жұмыс істейді.
Қаралым – 1 042 369.

«Qazcorpora.kz» – қазақ тілі ұлттық корпусының публицистикалық мәтіндерінің кіші корпусы – «Ұлттық рухани жаңғыру» ұлттық жобасы шеңберінде іске асырылып жатқан жобалардың бірі.
Корпус – белгілі бір тілдегі мәтіндердің электронды түрде жинақталуына негізделген ақпараттық-анықтамалық жүйе. Корпусты құрудың негізгі мақсаты – табиғи тілдік ресурстарды жинау, қалыпқа келтіріп, жүйелендіру, нәтижелерді ұтымды пайдалану үшін тұтынушыларға ұсыну.
Ұлттық корпус – бұл қазақ тілінің бір жүйеге кіріктірілген тілдік материалдарының базасы ғана емес, сондай-ақ виртуалды кеңістікте мемлекеттік тілдің қызмет етуін, семантикалық кеңістігін кеңейту, ақпараттық таралу ауқымын кеңейту, тілдік ресурстарға жаппай қол жеткізу тетігі. Цифрландырылған жүйе түріндегі қазақ тіліндегі мәтіндердің базасын көрсететін осы ақпараттық-анықтамалық ашық жүйе ұлттық тіл тіршілігінің белгілі бір кезеңінде (немесе кезеңдерінде) әдеби тіл стилінің, тілдік қолданудың барлық түрлерін жинақтайды және тұтынушыға ұсынады.
Жоба жетекшісі – филология ғылымдарының кандидаты, доцент Аитова Н. Н., техникалық сүйемелдеу бойынша жетекшісі – М. Бақытқызы. Жоба жұмысына филолог ғалымдар, келесі отандық жоғары оқу орындары мен ғылыми ұйымдардың сала мамандары қатысты:
– А. Байтұрсынов атындағы Тіл білімі институты;
– Қазақ ұлттық университеті Әл-Фараби атындағы ҚазҰУ;
– Л. Н. Гумилев атындағы Еуразиялық ұлттық университеті;
– Назарбаев Университеті;
– Қазақ ұлттық қыздар педагогикалық университеті;
– Қ. Жұбанов атындағы Ақтөбе өңірлік университеті;
– Баишев университеті;
– «Minialgo» ЖШС;
– «Qazkitap баспасы» ЖШС.
Публицистикалық мәтіндер корпусына «Егемен Қазақстан», «Ана тілі», «Қазақ әдебиеті», «Түркістан», «Заң» газеттерінде жарияланған мақалалардың электронды көшірмелері енгізілді.
Әлемнің негізгі тілдерінің көпшілігінде өздерінің ұлттық корпустары бар, олар бір-бірінен мәтіндерді ғылыми өңдеудегі толықтығы мен деңгейі арқылы ерекшеленеді.
Қазіргі әлем тілдері ішінде мойындалған корпус – «Британдық ұлттық корпус» (BNC), көптеген басқа заманауи корпустар соған бағытталған. Прагадағы Карл университетінде құрылған чех ұлттық корпусы да ерекше орын алады, Орыс тілінің ұлттық корпусы да қарқынды дамуда.
Ұлттық корпустың мүмкіндіктері:
– тілді ана тілі немесе шеттілі ретінде үйрету үшін қажет (әлемде оқулықтар мен оқу бағдарламалары қазір Корпусқа бағытталған. Кез келген шетелдік, мектеп оқушысы, мұғалім, журналист, редактор және жазушы корпусты қолдана отырып, бейтаныс сөзді немесе грамматикалық форманың қолдану ерекшеліктерін тез және тиімді тексере алады);
– тілдің лексикасы мен грамматикасын, ондағы жүздеген жылдар бойы болған өзгерістерді ғылыми зерттеу үшін қажет;
– ақпаратты іздеуді оңтайландырады;
– ауқымды материалдарды талдау, өңдеуді, статистикалық мәліметтерді алуды оңайлатады;
– қажетті сөздіктерді корпус базасына негізінде құрастыруға болады;
Мәтінге 12-20 параметрлік метабелгілер (мәтін авторы, мәтін тақырыбы, мәтін стилі, жанр, мәтін түрі, хронотоп, дереккөз, басылым мерзімі және т.б.) жасалды.
Алдағы уақытта публицистикалық стильдің басқа да ішкі жанрларын қамту, сондай-ақ басылым кезеңдері бойынша ұлғайту және дереккөздердің атаулары бойынша кеңейту көзделуде.
Ескертпе: сайт 2021 жылы ашылғандықтан, қаралым саны аз.

Ел тұрғындары мен мемлекеттік қызметшілерге құжаттарды сауатты толтыру бойынша үлгілік сайт
«Qujat.kz» – құжаттарды қазақ және орыс тілдерінде сауатты әзірлеу бойынша үлгілер мен нұсқаулықтар берілген электрондық база.
Сайтта іс қағаздарын жүргізу 2-ге бөлінген: «кеңсе» және «кадр» құжаттары, онда құжаттардың жеке үлгілері ұсынылған.
Құжаттарды іздеудің 3 түрі қолданылады: түрі және атауы бойынша және әріп бойынша жүйелі іздеу.
Құжаттардың екі жүзден астам үлгісі (қазақ және орыс тілдерінде) PDF және DOC нұсқаларында қолжетімді.
Құжаттардың үлгілеріне онлайн өзгерістер енгізуге арналған сервис жұмыс істейді.
Сайтта «Құқықтық негіз», «Мақалалар», «Кітапхана», «Терминдер», «Сұрақ-жауап» бөлімдері орналасқан.
Қаралым – 131 558.

Қазақ тілін латын графикасына көшіру барысын сүйемелдейтін сайт
«Qazlatyn.kz» (портал және конвертер) – еліміздегі латын графикасына көшу үдерісін сүйемелдейтін негізгі ұлттық портал.
Порталдың көпфункционалды конвертері мәтіндерді кирилден латынға және төте жазуға онлайн сәйкестендіруге мүмкіндік береді. Конвертердің ішкі ядросы (кодтары) «Яндекс переводчик» веб-сервисіне орналастырылып, қазіргі таңда «казахский (латиница)» деген жазумен халықаралық деңгейдегі тілдер қатарына қосылды.
Қаралым: портал – 182 773, конвертер – 1 582 769.

Ономастикалық атаулар жинақталған сайт
«Atau.kz» – ономастика саласындағы сайт.
Сайтқа Қазақстан бойынша көшелердің, мәдениет, білім беру мекемелерінің, түрлі объектілердің атаулары жинақталған.
Сондай-ақ базада Қазақстан Республикасындағы жерлер мен су айдындары атауларының толық тізбесі бар.
Пайдаланушылар объектілерге атау беру ережелерімен, ономастика жөніндегі нормативтік-құқықтық құжаттармен, ұлттық және өңірлік ономастика комиссиялары туралы ақпаратпен, ономастика жөніндегі әдебиеттер тізімімен және зерттеу жұмыстарымен таныса алады.
Қаралым – 246 008.

Мемлекеттік тіл саясатының іске асырылу барысынан хабардар ететін сайт
«Tilalemi.kz» – тіл саясатын жүзеге асыру саласындағы жаңалықтар, лингвист ғалымдардың мақалалары, республикалық конкурстардың, іс-шаралардың ережелері және т.б. орналастырылған портал. Сонымен қатар порталда кітаптар, мультимедиялық бағдарламалар, сөздіктер мен журналдар орналастырылған.
Қаралым – 5 258 045.

“Бақытты бала” жобасы аясында “Гүлдер” шағын орталығында “Ұлттық бұрыш” орталығы ашылды.

14.03.2022


Орталықта тәрбиеленушілерімізге арналған ұлттық құндылықтарға, тағамдарға, ұлттық ойындарға, ұлттық киімдерге арналған мағлұматтармен әр түрлі үстел үсті ойындары ұйымдастырылды.
Балабақшадағы ұлттық тәрбиенің өзектілігі тәрбиеленуші сәбилерді рухани ізгі қасиеттерге баулып, тәрбиенің көздері ана тілі мен әдебиетін, тарихы мен өнерін қастерлеуге халықтың салт –дәстүрлерін аялай білуге ұлттық құндылықтарымызды дәріптеу болып табылады. Сәбилердің жас ерекшелігін ескере отырып елін жерін қорғауда атадан балаға мирас болып қалған тарихын салт-дәстүрін, ана тілін қастерлеу, үлкенге –құрмет кішіге ізет көрсетуін мұра етіп,тәуелсіз еліміздің парасатты адамгершілігі биік білімді азаматтарын тәрбиелеуде адами қасиеттерді қамтып білімді ұлттық қасиетті түсінетін тұлға тәрбиелеу.
Ұлттық тәрбиені балабақшадан бастауымыз керек. «Не ексең, соның орасың» демекші, балаларымызды қандай жолға бастасақ, олардың сол бағытты алатыны белгілі. Ал біздің ата-бабаларымыздан қалған асыл мұрамыз – тәрбиеміз қазақтан басқа ешкімде жоқ үлгі.

Шағын орталық әдіскері Тулкина Г.Е

“ГҮЛДЕР”шағын орталығының “Ана- өмір шуағы,”атты ертеңгілігі

06.03.2022

“ГҮЛДЕР”шағын орталығының “Ана- өмір шуағы,”атты ертеңгілігі өте тәрбиеленушілер үшін қызықты, аналар үшін жақын болды.
Жүрегімді жарып шыққан бар ізгі тілектерім өмірдегі ең қымбатты да ардақты жан – ана, өзіңе арналады. Бізді өмірге әкеліп, ақ сүт беріп, аялап өсіріп, тұмсықтыға шоқтырмай, осы күнге жеткізгенің үшін алдыңда мәңгі қарыздармыз. Мейірім мен махаббаттан жаралған кең жүрегіңізден, қызуы тұла бойымызды жылытқан ыстық алақаныңыздан, айналайын деп маңдайымыздан емірене сүйіп, еркелеткен үніңізден артық біз үшін ешнәрсе жоқ. Анашым, жүзіңізден шуақ кетпей, біздің ортамызда күліп-ойнап, шаттыққа кенеліп, бақытқа бөленіп жүре беріңіз.

Шағын орталық әдіскері ТулкинаГЕ

Мектепке дейінгі тәрбие мен оқыту жүйесі педагогтерінің сьезі

25.02.2022

ҚР Білім және ғылым министрі Асхат Аймағамбетовтың қатысуымен Көкшетау қаласында өтіп жатыр. Сьезге қатысушы Павлодар облысының делегациясының құрамында Қазан жалпы орта білім беру мектебінің шағын орталық әдіскері Гульжанат Ертаевна Тулкина және Малайсары орта мектебінің тәрбиешісі Сайраш Рахадыловна Урюмова қатысуда. “Заманауи мектепке дейінгі тәрбие мен оқыту: үрдістер, мәселелер келешегі” тақырыбындағы сьезде әріптесіміз Гульжанат Тулкина “Мектеп жасына дейінгі балаларға арналған ұлттық үстел үсті ойындары” тақырыбымен секция жұмысында іс-тәжірибесімен бөлісті. Әріптесімізге жұмысына жеміс тілеп, биік белестерді бағындыруға тілектеспіз!

Ауыл оқушыларына арналған «Мың бала» олимпиадасы

17.02.2022

Ауыл мектептерінің 5 және 6 сынып оқушыларын «Мың бала» ұлттық олимпиадасына қатысуға шақырамыз.Олимпиада жеңімпаздары дарынды балаларға арналған мамандандырылған мектептер мен Елбасы Академиясының «Birge Oqý» онлайн-мектебінде оқуға мүмкіндік алады.Ең басты шарт: оқушылар соңғы екі оқу жылында Қазақстан Республикасының ауыл мектептерінде білім алуы тиіс.Тіркеуден 19 ақпаннан 20 наурызға дейін https://1000bala.elbasyacademy.kz сайтында өте аласыз.Барлық сұрақтар бойынша 8 800 080 48 48 call-орталығына хабарласыңыз. Қоңырау шалу тегін.  

Қамқоршылық кеңесінің мүшесіне сайлау

02.02.2022

Қамқоршылық кеңесі Қазақстан Республикасының заңнамасын, Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларын бекіту туралы Қазақстан Республикасы Білім және ғылым министрлігінің бекітілген 2017 жылғы 27  шілдедегі № 355 бұйрығын, сонымен қатар мектеп жарғысын негізге алады.

  1. Қамқоршылық кеңесі – білім беру мекемесін басқарудың қоғамдық әдісі. Бұл мемлекеттік емес, үкіметтік емес, қоғамдық, бейкоммерциялық, білім берудің және нақты білім беру мекемесінің дамуына мүдделілерді өз еркі негізінде біріктіретін ұйым. 
  2. Қамқоршылық кеңестің құрамы

– жергілікті өкілдік, атқарушы және құқық қорғау органдарының өкілдері;

– жұмыс берушілер мен әлеуметтік әріптестіктердің өкілдері;

– ата-аналар комитеті ұсынған білім алушылардың ата-аналары немесе заңды өкілдері;

– қайырымдылық жасаушылар (бар болса).

  1. Қамқоршылық кеңесінің міндеттері

3.1 Жалпы білім беру ұйымының жұмысының  айқындығын арттыруға және жетілдіруге бағытталған бастамалар ұсыну және оны талқылау.

3.2 Жалпы білім беру ұйымының материалдық- техникалық базасы мен оқу базасын нығайту және жетілдіру, оның аумағы мен кабинеттерін көркейту.

3.3 Білім беру үдерісін іске асыру жағдайын жақсартуға, оқушылардың өмірі мен денсаулығын сақтауға жәрдем көрсету.

3.4 Мектеп органдарының  жұртшылықпен тиімді қарым –қатынасы үшін жағдай жасау.

3.5 Мектептің   білім берушілік,қаржылық, кадрлық әлеуетін күшейту.

3.6 ҚМ берілген қаражаттай және заттай бюджеттік қаржыны  тиімді және анық пайдалану үшін механизм құру.

3.7 Қаржыландырудың қосымша көздерін мектепке тартуға жәрдем беру.

3.8 Оқушылардың заңды құқықтары мен мүдделерін қорғау.

Ұсыныстарды қабылдау орны: “Қазан жалпы орта білім беру мектебі”КММ

Ұсыныстарды қабылдау мерзімі 2022 жылдың 1 ақпанынан 12 ақпанына дейін.

Байланыс телефоны: 99-2-35

Lesson study – сабақ зерттеудегі жаңаша әдіс

31.01.2022

2022 жылдың қаңтар айында мектепішілік жоспар бойынша мектеп директорының оқу ісінің орынбасары С.Жаксымбетова мектепте Lesson study зерттеу сабағын ұйымдастыру бойынша семинар өткізді. Lesson study –мұғалімнің тәжірибесі саласындағы білімді жетілдіруге бағытталған, сабақтағы іс- әрекеттегі зерттеудің ерекше үлгісі болып табылатын педагогикалық тәсіл. Lesson study тәжірибелі мұғалімдермен қатар, еңбек жолын жаңа бастаған мамандарға да кәсіби жетілуге көмектеседі. Семинар барысында педагогикалық ұжымға Lesson study бойынша теориялық білім беріліп, фокус топ құрылды, зерттеу нысаны анықталды.

Кайырымды іс

05.01.2022

Қайырымды іс жасау, балаға қуаныш сыйлауда Қазан жалпы орта білім беру мектебінің ұжымы мен қамқоршылық кеңесі: Ахметова Г.К., Сулейменов Т.Қ., Ахметов С.Қ., Нурмуханбетова Ж. Ж., Кулетов М.Қ., Оразаева Б.А., Жумабеков Н.М., Омарова К.С. және ауылымыздың электр станциясының қызметкерлері, амбулатория медбибілері, ауыл азаматы Нажмиденов Ерлік Б. Павлодар облыстық “Сәбилер үйі” және Павлодар облыстық “Балаларды қолдау орталығы” балаларына жаңа жылдық қөңіл күй және тәтті жаңа жылдық сыйлық сыйлады. Қайырымды істер жасап, балаларға қуаныш сыйлап жүрген азаматтарға дендеріне саулық, отбасыларына бақыт, бастарына амандық тілейміз.

“ГҮЛДЕР”шағын орталығының “Көбелектер” тобында “Ел бақыты Тәуелсіздік” ертеңгілігі өтті.

14.12.2021

Мақсаты:
Балалардың патриоттық және адамгершілік сезімін ояту, «Отан” туралы түсініктерін кеңейту.Туған жерге деген сүйіспеншілік сезімдерін ояту.Туған жерін сүюге, қадірлеу тәрбиелеу.
Шағын орталық әдіскері Тулкина ГЕ

“ГҮЛДЕР” шағын орталығында Тәуелсіздіктің 30 жылдығына арналған “Тәуелсіздіктің 30 жылы” дидактикалық ойыны.

14.12.2021

Мақсаты: Балалардың Отаны, Рәміздері, Елбасы, желтоқсан оқиғасы, Тәуелсіздік күні туралы түсініктерін молайту.
Шағын орталық әдіскері Тулкина ГЕ

“ГҮЛДЕР” шағын орталығында Тәуелсіздіктің 30 жылдығына арналған “Жауабын тап” жұмбақ шешу.

14.12.2021

 Мақсаты: Балаларды Отанды сүюге, Қазақстан Республикасының рәміздерін қастерлеуге, туған жерге деген сүйіспеншіліктерін арттыруға тәрбиелеу.

“ГҮЛДЕР” ШАҒЫН ОРТАЛЫҒЫНДА ТӘУЕЛСІЗДІКТІҢ 30 ЖЫЛДЫҒЫНА АРНАЛҒАН “ЕЛ БАҚЫТЫ ТӘУЕЛСІЗДІК” АТТЫ КӨРМЕ ҰЙЫМДАСТЫРЫЛДЫ.

13.12.2021

Мақсаты: Балаларды Отанымызды сүюге, еліміздің рәміздерін қастерлеуге баулу, туған жеріне деген сүйіспеншілігін ояту, елін, жерін, тілін, тарихын құрметтейтін жаны таза, адамгершілігі мол азаматты қалыптастыру, патриоттық тәрбие беру.
“ГҮЛДЕР” шағын орталығының ата-аналарына үлкен алғысымызды білдіреміз.

“ӨРЛЕУ-EDUCATION” республикалық оқу-әдістемелік орталығы ұйымдастырған “Мен Тәуелсіз елімнің патриотымын!” атты республикалық байқау.

10.12.2021

“ӨРЛЕУ-EDUCATION” республикалық оқу-әдістемелік орталығы ұйымдастырған “Мен Тәуелсіз елімнің патриотымын!” атты республикалық байқауға “Гүлдер”шағын орталығынан қатысып “Тәуелсіздік қастерлі ұғым” номинациясында
II-орын алған Канатова Айдана марапатталды.
Жетекшісі:Темиргалиева Айжан Жолдасбековна
Құттықтаймыз!
Шағын орталық әдіскері Тулкина ГЕ

“Үстел үсті лингвистикалық ойындары”

10.12.2021

Тәуелсіздіктің 30 жылдығына арналған “30 жылдық 30 ойын” фестиваліне “Гүлдер” шағын орталығының “Көбелектер” тобының тәрбиеленушілері “Үстел үсті лингвистикалық ойындарымен” белсенділік танытып қатысуда.

Шағын орталық әдіскері Тулкина ГЕ

Тәуелсіздіктің 30 жылдығына арналған “Шебер қолдар” суреттер мен қолдан жасалған бұйымдардың сайысы.

09.12.2021

“Гүлдер” шағын орталығында “Көбелектер” тобының тәрбиеленушілері Серікбай Каусар “Жазғы жайлау” бейнелеу өнерімен және Мейрамбек Айша “Қыран құс” бейнесін бейнеледі.
Шағын орталық әдіскері:Тулкина.Г.Е

Мектепішілік пән олимпиадасы

03.12.2021

Қазан жалпы орта білім беру мектебінің мектепішілік пән олимпиадасынының қорытындысы бойынша жеңімпаздарды марапаттау. Пән олимпиадасына 2-11 сыныптар қатысты. Жүлделі орындарға ие болған оқушыларды құттықтаймыз!Аудандық кезеңге өткен оқушыларымызға сәттілік тілейміз!