Балалардың мектепке барар жолын табуына көмектесейік!
Қазан жалпы орта білім беретін мектебі бойынша 2019 жылғы шілденің
1-мен – қыркүйектің 30-ы аралығында республикалық «Мектепке жол акциясы өткізілуде.
«Мектепке жол» жалпыреспубликалық қайырымдылық акциясының мақсаты – оқумен қамтылмаған балаларды анықтау, аз қамтамасыз етілген және көп балалы отбасылардан шыққан, жетім балаларға, сондай-ақ оқу жылына дайындық кезінде ата-аналарының қамқорынсыз қалған балаларға қолдау көрсету және әлеуметтік себептер бойынша балалардың мектепке келмеуінің алдын алу.
Жақсы бол адам болсаң ел көргендей,
Халқыңа қысылғанда дем бергендей.
Пайдаңды жақсы болсаң тигіз көпке,
Баланың білім алуына жол бергендей
– Балалардың мектепке барар жолын табуына көмектесейік! деген ұранмен демеушілерге үндеу хаттар таратылып, рейд барысында анықталған 10 оқушыға көмек көрсетілді. Сонымен қатар ауыл әкімшілігі мен мектеп әкімшілігінің ұйымдастыруымен 22 тамызда мектеп жәрмеңкесі өткізілді, жәрмеңкеге қатысушыларға ауыл тұрғындарынның атынан ризашылығымызды білдіреміз. Акцияға белсене қатысып, көмек көрсеткен ауыл әкімі Б.Бекқожин, ауыл депутаты Т.Сулейменов, ардагерлер кеңесінің төрағасы М.Кулетов, мектеп әкімшілігі, ауыл әкімшілігі, мәдениет үйі, ЖШҚ «Теміржан», ЖШҚ «Шәкен», ЖШҚ «Ақтай» демеушілерімізге де отбасыларына бақыт, денсаулық, береке, еңбектеріне табыс тілейміз.

Қазан ОМ директордың тәрбие ісі
жөніндегі орынбасары
Г.Қ.Теміржанова

“Жұлдыз” жазғы сауықтыру лагерінде дидактикалық ойындар өткізілді. Балалардың жас ерекшелігін ескере отырып дидактиқалық ойындар мен тапсырмалар беріледі. Мақсаты: оқушылардың оқыл-ойларын дамыту, түстер мен геометриялық пішіндерді ажырата білу, логикалық  ойлау қабілеттерін дамыту, салыстыру білу.

“Жұлдыз” жазғы сауықтыру лагерінде “Спорт-біздің досымыз” ойындар ұйымдастырылды. Күнделікте демалушылармен таңғы жаттығу, спорттық ойындар, эстафеталар ұйымдастырылып, оқушылардың салауатты өмір салтын қалыптастыру, оқушылардың арасындағы достық қарым-қатынасын, денсаулығын нығайту.

“Жұлдыз” жазғы сауықтыру лагерінде ұлттық киімдерге сурет көрмесі ұйыдастырылды. Мақсаты:  Оқушыларға Қазақ халқының қолөнері –ертеден-ақ дамып келе жатқан бай қазына. Қолөнердің басты бір саласы-киім тігу. Ұлттық киімдер ерте заманнан күні бүгінге дейін әрі әсем,әрі ыңғайлылығымен де пайдаланылып келеді. Қазақ киімнің ою-өрнегінде, әрбір әшекейінде халық тарихыңың , ой-дүниесінің қайталанбас көрінісі бар. Ол –қазақ халқының ұлттық мәдениетінің бір үлкен саласы.
Қазақтың ұлттық киімдері негізінен мынандай түрге бөлінеді: іштік киімдер, сыртқы (өң) киімдер, сулық киімдер, ерлердің бас киімдері, әйелдердің бас киімдері, аяқ киімдер. Қазақ халқының ұлттық киімдері климаттық жағдайлар ескеріліп, ежелгі дәстүрлер бойынша тігіледі. Біркиер киім қымбат матадан тігілген. Той-думандарға барғанда, жат елге сапарға шыққанда киетін сәнді киім болған. Ұлттық киімдерге біз тақия, қалпақ, сәукеле, мәсі, саптама етік, кимешек, жейде, көйлек, камзол, шапан, ішік тағы сол сияқты киімдерді жатқызамыз Ішкі киімдер: көйлек, желет, кәзекей; сыртқы киімдер: шапан, күпі, кеудеше, тон; сулық киімдерге: шекпен, шапан, т.б. жатады. Қазақ әйелдерінің ұлттық киімі: көйлек, кимешек, қамзол, тақия, сәукеле, кәзекей, кебіс, мәсі, т.б.

” Жұлдыз” жазғы сауықтыру лагерінің екінші маусымның салтанатты ашылуы болды. Ашылу лагеріне Сайқымазақ келіп балалардың көңіл-күйлерін көтеріп, тәтті торт сыйлады. Балалар Сайқымазақпен досына өз өнерлерін көрсетіп, бірге ән айтып, би билеп, ойын ойнап балаларға керемет мереке болды. Мерекеге Сайқымазақтын досымен келуы балаларға тосын сый болды. Екінші маусымның ашылуына тәрбиешілер Тулкина Г.Е және Какежанова Г.О. қызықты ұйымдастырды.

“Жұлдыз” жазғы сауықтыру лагерінде асық ату ойнатылды. Ұлтымыздың негізсіз ұмытылып бара жатқан ойынын жаңғырту, бабаларымыздың ойыны туралы түсінік беріп, қызығушылық ояту. Асық ойнату арқылы балаларды дәлдікке, мергендікке мергендікке ептілікке жеңіске деген құштарлыққа намысқойлыққа, әділдікке баулу. Балаларды ұлтымыздың құндылықтарын қастерлеуге баулу.Балалардың өй-өрісін дамыту. Балаларды ұлттық ойындарға қызықтыра отырып, ұлтжандылыққа тәрбиелеу.