«Қанатты құстар» викториналық сұрақтар сайысы

17.06.2017

Аға тәлімгер Г.Серикбаеваның ұйымдастыруымен «Балалық шақ әлемі» мектеп жанындағы сауықтыру лагерінде «Қанатты құстар» викториналық сұрақтар сайысы өткізілді. Мақсаты: құстар жайлы мәлімет беру және оларды аялауға тәрбиелеу. Сайыс таныстыру, викториналық сұрақтар, қорытынды сияқты 3 кезеңнен тұрды. Қорытындысы бойынша «Аққу» тобы жеңіске жетті.

«Дос болайық бәріміз» командалық сайыс

16.06.2017

«Балалық шақ әлемі» мектеп жанындағы сауықтыру лагерінде «Дос болайық бәріміз» атты командалық сайыс өткізілді. Сайыс мақсаты: салауатты өмір салтын насихаттау және балаларды ұйымшылдыққа тәрбиелеу. Командалық сайысқа «Бірлік» және «Достық» командалары қатысты. Әр топ өз командасының атын, ұранын таныстырып, түрлі кедергілерден өтіп, берілген тапсырмаларды орындады. Сайыс қорытындысы бойынша «Достық» командасы жеңіске жетті.

Лагерь Ханзадасы мен Ханшайымы

14.06.2017

Жазғы сауықтыру лагерінің 1-кезеңінің аяқталуына байланысты «Балалық шақ әлемі» лагерінде «Лагерь Ханзадасы мен Ханшайымы» атты ауқымды іс-шара өткізілді. Бұл іс-шараға балалар белсене қатысып, ата-аналар тарапынан қолдау көрсетілді. Бірнеше кезеңнен тұратын бұл байқауда балалар сүрінбей өтіп, көрермендердің «лүпіл» басу нәтижесінде «Жазғы лагерь Ханзадасы» атағына Жұмабек Санжар, «Жазғы лагерь Ханшайымы» атағына Мұхаметжан Айым ие болды.

Денсаулық зор байлық

12.06.2017

Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл-күйі көтеріңкі болып, еңбекке әрқашан құлшыныса кіріседі. Халқымыз «Дені саудың – жаны сау» деп орынды айтқан. Отанымыздың келешегі, көркеюі салауатты өмір салтын сақтауда. Сол себепті жазғы лагерьде балалармен әр түрлі қозғалмалы ойындар – эстафеталар, волейбол, спорттық жарыстар ұйымдастырумен қатар ой еңбегін дамытатын шахмат, дойбы, тоғызқұмалақ сияқты спорт түрлері кең насихатталуда.

«Айгөлек» және «Балдырған» журналдарына шолу

10.06.2017

2017 жылдың 10 маусым күні жазғы лагерьде балалардың танымдық қабілеттерін арттыру үшін, кітап оқуға, шығармашылыққа баулу масатында балаларға арналған «Айгөлек», «Балдырған» журналдарына шолу жасалып, қызықты мәліметтер алынды. Балалар журналдардан алған ақпаратпен бөлісіп, «Жаңалықтар» бағдарламасын ұйымдастырды.

«Super star.kz» пародиялар байқауы

09.06.2017

9 маусым күні жазғы сауықтыру лагерінде «Super star.kz» пародиялар байқауы өтті. Байқауға екі топ – ұлдар және қыздар тобы қатысты. Қыздар қазақстандық эстраданың «Аюми» тобының әнін пародияға салса, ұлдар ресейлік «Грибы» тобының «Тает лед» әнін көрсетті. Балалар актерлік шеберліктерімен қатар, шығармашылықтарын да көрсете алды. Көрермендер оқушылардың өнеріне тәнті болды.

«1+1» ойыны

09.06.2017

2017 жылдың 9 маусым күні сауықтыру лагерінде аға тәлімгердің ұйымдастыруымен «1+1» бағдарламасы өткізілді. Мақсаты: оқушылардың танымдық қабілеттерін дамыту, білімдерін ұштау, шешім қабылдай алу. Лагерьде студия ұйымдастырылып, көрекрмендермен ойын өткізілі. Студияға қоңырау шалып, көрермендерге сөздер жасырылды. Көрермендер ойынға белсенділікпен қатысып, өз білімдерін көрсете алды.

«Ең үздік шаш үлгісі – 2017» байқауы

08.06.2017

2017 жылдың 8 маусым күні мектеп жанындағы жазғы сауықтыру лагерінде балалардың эстетикалық талғамын жетілдіру мақсатында «Ең үздік шаш үлгісі-2017» байқауы өтті. Байқауға орта буын оқушылары бастауыш сынып қыздарына сәнді шаш үлгілерін жасап, креативілік пен шығармашылықтарын көрсетті. Жеңімпаз дауыс беру арқылы анықталып, марапатталды.

«Дизайнер және модель» байқауы

07.06.2017

2017 жылдың 7 маусым күні «Балалық шақ әлемі» жазғы сауықтыру лагерінде«Дизайнер және модель» киім үлгілерін жасау бойынша байқау өтті. Мақсаты: балалардың эстетикалық талғамын жетілдіру, шығармашылықтарын жетілдіру, өнерлерін бағалау. Оқушылар газеттерден әдемі киім үлгілерін жасады. Сән әлемінде ұйымдастырылған байқауда нағыз модель мен дизайнерлер сияқты подиумнан жүріп өтіп, киім үлгілерін таныстырды. Бұл байқауда балалар қызығушылық танытып, белсенділікпен қатысты. Соңында ұл балалар «лүпіл» қою арқылы ең үзддік дизайнер мен киім үлгісін анықтады.

«Тәрбиешіні ұрлап кетті» квест

05.06.2017

2017 жылдың 5 маусым күні оқушылармен «Тәрбиешіні ұрлап кетті» квест ойыны өткізілді. Мақсаты: әр түрлі тапсырмаларды орындау арқылы өз шығармашылықтарын, ой өрісін көрсете алу, нәтижеге жету. Оқушыларға берілген тапсырмалар қызығушылықтарын туғызды, тапсырмаларды жарыса орындады. Квест бірнеше кезеңнен тұрды: дәлізде, корпуста, далада. Барлық тапсырмаларды дұрыс орындап, соңында тәрбиешіні қарақшылардан құтқарды.

«Алғырлар мен тапқырлар» сайысы

03.06.2017

2017 жылдың 3 маусым күні «Балалық шақ әлемі» жазғы сауықтыру лагерінде «Алғырлар мен тапқырлар» сайысы өткізілді. Сайыстың мақсаты: оқушылардың алған білімдерін тексере отырып, ақыл-ой өрісін жан-жақты дамыту. Оқушылардың ана тілін сүюге, бабалардан қалған ұлағатты ғибрат сөздерді түсіндіріп, содан үлгі-өнеге алуға баулу. Оқушылардың әрбір пән бойынша алған білімдерін тиянақтау, шапшаңдыққа, жинақылыққа тәрбиелеу, ақыл-ойын дамыту. Балалардың жас ерекшеліктері ескеріле отырып, екі топқа бөлініп, жарысты. Қызықты тапсырмаларды жарыса отырып орындап, өз білімдерін көрсете алды.

«Көңілді старт» пен «Ертегілер елінде» суреттер сайысы

02.06.2017

2017 жылдың 2 маусым күні «Балалық шақ әлемі» жазғы сауықтыру лагерінде «Көңілді старт» ойыны өткізілді. Мақсаты: Балаларға денені шынықтырудың пайдасын, адамның дені сау сергек болуына көмектесетінін түсіндіру. Балалардың көтеріңкі көңіл – күйде болуын қалыптастыру, тепе – теңдікті сақтау, шынықтыру жаттығуларына, сайыстың шарттарына деген қызығушылықтарын арттыру. Доп, обруч қолдану арқылы әр түрлі жаттығулар орындады, соңында арқан тартысу арқылы жеңімпаз анықталды. Балалар қызығушылықпен ойынға қатысып, белсенділік танытты.
Көңілді старттан кейін балалар «Ертегілер елінде» тақырыбына суреттер салып, өз шығармашылықтарын көрсетті.

Бала деген бір бақыт

01.06.2017

Адам өміріндегі ең үлкен бақыт-ұрпақ өсіру, бала тәрбиелеу. Бүгінгі бала елдің ертеңі, болашағы, ұлттың жалғасы. Иә, қай мемлекет болсын, бала тәрбиесіне ерекше көңіл бөлетіні сөзсіз. Өйткені, өскелең ұрпақ елдің ертеңгі тізгінін ұстар азаматтары. Бар жақсылығын балаларына көрсетіп, олардың жан-жақты тәрбиелі саналы болып ер жетуіне қамқорлығын аямайтын мемлекеттің болашағы да жарқын.
Жаздың бірінші күніне дәл келетін, балаларды қорғау күні-халықаралық мерекелердің бірі, оны бүкіл әлемде 1950 жылдан бастап атап өтеді. Балалар қорғауының халықаралық күні – бұл, алдымен, балалар өмірі құқықтарын, пікір мен дін бостандығын, білім алу, дем алу мен бос уақыт, денелік және психологиялық жәбірлеуден қорғау, балалар еңбегінің эксплуатациясынан қорғау құқықтарын сақтау қажеттігі туралы, адамгершілікті және әділ қоғам қалыптасуының қажетті жағдайлары ретінде үлкендерге ескерту.
Осыған орай, 2017 жылғы маусым айының 1-ші жұлдызында «Қазан жалпы орта білім беретін мектеп» ММ жанындағы «Балалық шақ әлемінде» жазғы сауықтыру лагерінің ашылу салтанаты өтті. Тәрбиешілердің бастамасымен бүлдіршіндер үшін түрлі шаралар ұйымдастырылды. Сондай-ақ, мектепшілік жазғы демалыс лагерінің ашылуына арналған концерттік бағдарламасы болды. Балалар өлең айтып, би билеп, әсем әнмен көрермендердің көңілінен шықты. Концерттік бағдаламадан кейін лагерьде демалушылар үшін фуршет ұйымдастырылды.

“Жаз-2017” ұйымдастырылуы

29.05.2017

Павлодар облысы білім беру басқармасының 12 мамыр 2017 жылғы №220 «2017 жылғы жазғы кезеңде балалар мен жасөспірімдердің демалысын, сауықтырылуын және жұмыспен қамтылуын ұйымдастыру туралы» бұйрығын басшылыққа алып, оқушылардың жазғы демалысын ұйымдастыруға байланысты мектеп жанындағы сауықтыру лагеріне күнкөріс деңгейі төмен отбасынан 10 оқушы жаппай оқу қоры негізінде (1 күнге 535 теңгеден -209,000 мың теңге) және 10 оқушы демеушілік тарапынан қамтылады. Лагерь уақыты 09-00-17.00 дейін, ұйқымен. Сонымен қатар: «Travelling English» палаталық лагеріне – 13 оқушы, «Біз көңілді балалар» лагеріне- 20 оқушы, «Интеллектуал» лагеріне -15 оқушы, жалпы – 57 оқушы, 88% демалу лагерьлеріне қамтылса, «Еңбек отряды» 9-10 сынып-8 оқушы, 12% қатысады. Оқушылардың сауықтырылуын ұйымдастыру ауыл сыртындағы лагерьлерде жалғасады, атап айтқанда: жаппай оқу қоры негізінде аудандық «Ақ желкен» сауықтыру орталығына 10 оқушы – 200,000 мың теңге және ата-аналар демеушілігі негізінде Көкшетау қаласы «Балдаурен» сауықтыру орталығына 3 оқушы – 5%, «Жасдаурен» сауықтыру орталығына 3 оқушы-5% қамтылады.
Мектеп ауласын көгалдандыру 200 түп петунья гүлі салынды және түрлі гүлдердің тұқымы егілді. Бау-бақшада қызанақ, тәтті бұрыш, баклажан, сәбіз, қызылша салынуда. Көгалдандыру жұмыстарына «Жасыл ел» отряды белсене қатысады. «Жасыл ел» отрядында 30 оқушы.

«Мектебіме тағзым» акциясының ұйымдастырылуы

26.05.2017

Павлодар облысы білім беру басқармасының 27 сәуір 2017 жылғы №8/6-03/1832 шығыс хаты негізінде 2017 жылғы 25 мамыр-30 тамыз аралығында «Мектебіме тағзым» акциясы өткізілуде. Акцияға қатысушыларға, ауыл меценаттарына үндеу хаттар таратылды.
Сонымен қатар акцияға қатыса алатын мектепті бірнеше жыл бұрын аяқтап кеткен түлектер тізімі төмендегідей жасалды:
1990 жылғы мектеп түлегі – Май ауданы әкімінің орынбасары Сейтказин
Данабек Майданұлы.
1984 жылғы мектеп түлегі – Кажкенова Клара Зекешовна
1991 жылғы мектеп түлегі – Май ауданы мәжілісінің депутаты Сулейменов
Тасқын Қабылбекұлы
1986 жылғы мектеп түлегі – Май ауданы жер қатынастарының басшысы
Тайшыбаева Енлик Узаковна.

«Мәңгілік ел» соңғы қоңырау мерекесіне арналған салтанатты жиынның өткізілуі

25.05.2017

25 мамыр соңғы қоңырау мерекесіне арналған салтанатты жиын мектептің спорт залында өткізілді. Салтанатты жиынның қадірлі қонақтары Май ауданы экономика бөлімінің басшысының міндетін атқарушы Адия Сергазина Нығметқызы және Май ауданы білім беру бөлімінің бас есепшісі Бибигуль Орынбайқызы Мамырбаева, ауыл әкімшілігінің жетекші маманы Касибаева Меруерт Мұратбайқызы, Май ауданы мәслихатының депутаты Сулейменов Тасқын Қабылбекұлы келді. 2016-2017 оқу жылында 11 – сынып түлектері жоқ. Салтанатты жиында оқу озаттарының мақтау қағазымен марапатталып және 1-сынып оқушылары білім кілтін даярлық тобы тәрбиеленушілеріне табыс етті.
2016-2017 оқу жылында қол жеткізген мұғалімдер мен оқушылардың жетістіктері аталып, марапаттау қағаздары берілді.