Астана-мақтанышым!

31.01.2018

Астанам – бағы биік асқарымсың,
Астанам – мәнгі жарық аспанымсың,
Астанам пейіш қалам,ел арманы,
Астанам – қайда жүрсем мақтанышым.

Астанам шапағаттың шуағындай,
Астанам махабаттың тұрағындай,
Астанам – періштелер мекенісің
Астанам махабаттың тұрағындай.
Жер бетіндегі қай халықты алып қарасақ олардың өз туған жеріне, өз Отанына деген сүйіспеншілігін оның айтқан сөзінен, жазған әңгімесінен, жырлаған жырынан, салған суретінен, істеген өнерінен танып білуімізге болады.Ол – Қазақстан! Ол- Астана! Қазан жалпы орта білім беретін мектебінде 5-11 сыныптар арасында «Астана –мақтанышым!» атты тәрбие сағаты өткізілді.Тәрбие сағатының мақсаты Отанға деген сүйіспеншілігін арттыру. Оқушыларды елжанды азамат болуға тәрбиелеу. Тәрбие сағатында оқушылар Астана қаласы туралы жаңа ақпараттарымен танысып, топтық жұмыстар арқылы алған мәліметтерін суреттер арқылы жеткізе алды. Сондай –ақ оқушылар Астана туралы викториналық сұрақтарға, жұмбақтарға жауап берді. Қазіргі таңда Астананы барша әлем таниды. Біздің болашағымыздың жарқын болуына Елбасымыз Нұрсұлтан Назарбаевтың еңбегі орасан зор. Тарихи атауы Ақмола есімді шағын қала орналасқан сайын далаға өткен ғасырдың тоқсаныншы жылдарынның аяғында Елбасы Нұрсұлтан Назарбаев өз қолымен бір кірпішін қаласа, міне арада жиырма жыл өткенде алты құрлықтың назарын аударған Астана қаласы қазіргі таңда жайнап тұр. Кірпішін қалаған Астана – болашақтың қаласы. Ертегіге бергісіз келбетін көретін кейінгі ұрпақ мына біздер, Астананы мақтан тұтамыз!

Аға тәлімгер Г. К. Серикбаева

«Жаңартылған білім беру мазмұнының тәжірибе-бағдарлы бағыттылығы – оқушылардың функционалдық сауаттылығын дамыту құралы» (PISA, TIMSS) тақырыбында тренерлік сабақ

30.01.2018

Көктөбе жалпы орта білім беретін мектебінде білім беру бөлімінің жоспарына сәйкес 2018 жылдың 30 қаңтарында «Жаңартылған білім беру мазмұны: ізденіс және тәжірибе» тақырыбында аудандық семинарда мектебіміздің ағылшын тілі мұғалімі Диана Ерболатқызы Какежанова «Жаңартылған білім беру мазмұнының тәжірибе-бағдарлы бағыттылығы – оқушылардың функционалдық сауаттылығын дамыту құралы» (PISA, TIMSS) тақырыбында ағылшын тілі мұғалімдер секциясында тренерлік сабақ өткізді.

«Сенімділік – күш береді» тақырыбындағы психологиялық тренинг

30.01.2018

Қазан жалпы орта білім беретін мектебінде мектеп психологы Мөлдір Ақылбекқызы 9 – сынып оқушыларына «Сенімділік – күш береді» тақырыбында тренинг өткізді. Мақсаты: оқушылардың ОЖСБ-ға дайындық кезіндегі сенімді мінез-құлық, эмоциялық ерік-сфера дағдысын психологиялық тұрғыда қалыптастыру.
Тренинг сергіту сәтімен басталып, «Ақ парақтың бөлігі», «Сілкіп таста», «Поезд», «Көргеніңді тап», «Эксперимент» жаттығуларын орындады. Жаттығулар сурет салу, бір – бірін сөзсіз түсіну, зейінді дамыту жұмыстары, жеке және топтық жұмыс жасау арқылы орындалды. Оқушылар рефлексия арқылы алған әсерлерімен бөлісіп, тренингті қорытындылады.

«ЖАҢАРТЫЛҒАН БІЛІМ БЕРУ МАЗМҰНЫ: ІЗДЕНІС ЖӘНЕ ТӘЖІРИБЕ» ТАҚЫРЫБЫНДАҒЫ АУДАНДЫҚ СЕМИНАР

18.01.2018

Білім беру бөлімінің жоспарына сәйкес Қазан жалпы орта білім беретін мектебінде 2018 жылдың 18 қаңтарында «Жаңартылған білім беру мазмұны: ізденіс және тәжірибе» тақырыбында жаңартылған білім беру мазмұны мен критериалды бағалау жүйесін енгізу барысында мұғалімдердің педагогикалық шеберліктерін арттыру мақсатымен аудандық семинар өткізілді.
Семинарға қатысушыларға жағымды психологиялық ахуал қалыптастыру үшін мектеп психологі М.А.Мағнурова «Лабиринт» атты тренингін ұйымдастырды. Бастауыш сынып, математика, тарих, география пән мұғалімдері және кітапханашылар төрт бағыт бойынша жұмыс жасады. Бастауыш сынып мұғалімі Ж.К.Нажмиденова, математика пәнінің мұғалімі М.Ж.Курмашева, география пәнінің мұғалімі С.Ж.Байбакирова, тарих пәнінің мұғалімі С.М.Жаксымбетова, Май ОМ-нің тарих пәнінің мұғалімі С.Ж.Арыкова және Саты ОМ-нің география пәнінің мұғалімі А.М. Кайргазина ашық сабақтар беріп, мектеп кітапханашысы А.Ж.Темиргалиева Астана қаласының 20 жылдығына «Астана – бас қала» ашық тәрбие сағатын өткізсе, Н.Б.Калиева Қазақстан НМ «Абайдың табиғат лирикасы» атты ашық тәрбие сағатын өткізді.
«Жаңартылған білім беру мазмұнының тәжірибе-бағдарлы бағыттылығы – оқушылардың функционалдық сауаттылығын дамыту құралы» (PISA, TIMSS) тақырыбында бастауыш мұғалімдерінің секциясында Ж.К.Нажмиденова Қазан ОМ-нің бастауыш сынып мұғалімі мен Д.О.Орынгазиева Саты ОМ бастауыш сынып мұғалімі, математика секциясында Ж.Женісхан Жалтыр ОМ-нің математика пәнінің мұғалімі, тарих-география мұғалімдерінің секциясында С.Ж.Байбакирова Қазан ОМ-нің география пәнінің мұғалімі, С.М.Жаксымбетова тарих пәнінің мұғалімі тренерлік сабақтарды өткізді. Мақсаты: мұғалімдерге халықаралық зерттеулер туралы түсінік бере отырып, пән бойынша оқу сауаттылығы тапсырмаларды құрастыруды үйрету. Күтілетін нәтиже мұғалімдер өз пәндерінен оқу сауаттылығы бойынша тапсырмаларды құрастыру және шешу амалдарымен танысу, үйрену. Тренерлік сабақтың негізгі бөлімінде «Халықаралық салыстырмалы зерттеулер» презентациясымен таныстырылды. 2018 жылғы сәуір айында өтетін халықаралық зерттеулермен таныстырып өтілді. Презентация бойынша PISA, TIMSS, PIRLS зерттеулердің өткізілу ерекшеліктерін атап өтіп, биылғы жылы жаңа екі халықаралық зерттеу енгізілгендігі хабарланды – TALIS, ICILS. Мұғалімдер қызығушылықтарын білдіріп, өзара пікір алмасты.
Сонымен қатар Г.К.Макажанова Май ОМ математика мұғалімі «Май ауданы математика мұғалімдері шығармашылық тобының жұмысы туралы есеп берді. Май ОМ-нің кітапханашысы Б.Қ.Балтабаева 2018 жылы мектеп кітапханалары жұмысының негізгі бағыттарын атап өтіп, айтулы және атаулы күндер бойынша шаралар жоспарымен таныстырды.
Әр секцияда аудан көлеміндегі жоғары және бірінші санатқа өтетін мұғалімдердің шығармашылық есептері тыңдалды. Семинарға білім беру бөлімінің әдіскерлері И.Б.Аубакирова, М.Ж.Сулейменова, Н.А.Мукатаева қорытындылап, барлық қатысушылардың көңілінен шыққан аудандық шараны өте жоғары деңгейде ұйымдастырғаны үшін мектеп директоры Г.Ж.Сабирова мен мектеп ұжымына білім беру бөлімінің атынан алғыстарын білдірді.

Шахмат – ақыл-ой спорты

19.12.2017

Шахмат – ғылыми ақыл-ой және халық шығармашылығы негізінде пайда болған ең танымды да, қызықты спорт ойыны. Шахмат адамды жылдам ойлауға, шешім қабылдауға және қадам жасауға итермелейді. Шахмат ойыны – бұл адамның мінез-құлқын өзі басқарумен анықталатын қоғамдық тәжірибені қалыптастыруға арналған жағдайлар негізіндегі іс- әрекеттің бір түрі.
Елбасымыздың «Болашаққа бағдар: рухани жаңғыру» мақаласы аясында және Қазақстан Республикасының Тәуелсіздік мерекесіне орай Аудандық білім беру бөлімінің ұйымдастыруымен 2017 жылғы 15 желтоқсанда Ерсін Мұқашев атындағы жалпы орта білім беру мекемесінде 1-4 сыныптар арасында шахматтан жарыс өткізілді. Жарысқа аудан мектептерінен 9 команда қатысып, ІІІ орынды Майтүбек орта мектебінің құрама
құрама командасы, ІІ орынды Май орта мектебінің командасы, І жүлделі орынды Қазан жалпы орта білім беру мектебінің құрама командасы иеленді. Жетекшісі Байбакирова Салтанат Жумабековна. Команда мүшелері Нұртай Ислам, Мейрамбек Ержан, Озеруга Сергей және Серікбай Арсен қатысып мектеп намысын қорғады. Жеңімпаз командалар аудандық білім беру бөлімінің грамоталары және медальдарымен марапатталды.

«Тәуелсіздік тірегім елімнің мақтанышы» атты көрме ұйымдастырылды.

14.12.2017

14 желтоқсан күні мектеп кітапханасында Қазақстан Республикасының Тәуелсіздігіне орай «Тәуелсіздік тірегім елімнің мақтанышы» атты кітап көрмесі ұйымдастырылып, мектеп кітапханашысы библиографиялық шолу өткізді. Шолу соңы Тәуелсіздік туралы бейнеролик көрсетілуімен аяқталды.

«Тәуелсіздік тұғырым» суреттер көрмесі

14.12.2017

Қазан жалпы орта білім беретін мектебінде бастауыш сыныптар арасында «Тәуелсіздікке 26 жыл!» балалар шығармашылығынан сурет көрмесі өтті. Көрменің мақсаты балалар бойында ұлтжандылық сезімдер қалыптастырып, туған елге, Отанға деген сүйіспеншілік сезімдерін ояту. Көрмеге жоғары топ балаларының Отан, Қазақстан, Тәуелсіздік тақырыбында салған жұмыстары қойылды. Балалар туған елге, туған жерге деген патриоттық сезімдерін өз шығармалары арқылы жеткізе білді.

Тәуелсіз елдің ұландарымыз!

13.12.2017

Қазан жалпы орта білім беретін мектебінде 13 желтоқсан күні «Жас Ұлан» бірыңғай балалар мен жасөспірімдер ұйымы қатарына білімдерімен ерекшеленген және қоғамдық шараларға белсенділік танытқан оқушыларды қабылдау өтті. Галстукті тағу – метеп президенті Мейрамбек Жанияға ұсынылды.Жас патриоттар өз туған жерін сүюге және құрметтеуге, үлкендерге құрмет көрсету, білімге ұмтылуға, салауатты өмір салтын сақтауға, табиғатты сақтауға ант берді және осы антты ешқашан бұзбауға ант берді, сонымен қатар достарының осы антты бұзбауын қадағалауға сөз берді.

«Жайдарлы Жас Ұлан» жайдарман сайысы

08.12.2017

Қазан жалпы орта білім беретін мектебінің «Жас Ұлан» бірыңғай балалар мен жасөспірімдер ұйымының аға тәлімгер Г. Серікбаеваның ұйымдастыруымен 8-желтоқсан күні мектепішілік Жайдарман ойыны өтті. Шараның өткізілу мақсаты – оқушылардың бастамаларына қолдау көрсетіп, бос уақытын тиімді пайдалануды ұйымдастыру арқылы «Жайдарман» ойындарын балалар мен жасөспірімдер шығармашылығының бір саласы ретінде насихаттау және әр сынып командалары арасында шығармашылық, достық қарым-қатынасты күшейту болды. Жайдарман ойынына 3-9 сынып оқушыларынан құралған 7 команда қатысты. Тәуелсіздіктің 26 жылдығына арналған жайдарман ойындары 4 кезеңнен тұрды, яғни таныстыру, «Бес жаңалық» капитандар сайысы, «Бір көрініс» атты үй тапсырмасы және балалар фильмін, анимациялық фильмдерді және мультфильмдерді жанды дыбыстандыру болды. Барлық кезеңде де ең жоғарғы 5 баллдық жүйемен бағаланды. Әділ қазылар алқасының шешімі мен көрермендердің қошеметіне ерекше бөлеген командалар мен ойыншылар ойын соңында марапатталды марапатталды.

«Мен және менің полицейім» атты акция

05.12.2017

Қазан жалпы орта білім беретін мектебінде «Мен және менің полицейім» атты акция өткізілді. Мақсаты: Оқушыларды көшеде дұрыс жүріп, жол ережелерін, қауіпсіздігін білуге, есте сақтауға тәрбиелеу. «Сіздің жолаушыңыз-бала!», «Жол көлік оқиғасынан зардап шеккен балаға көмектес!» тақырыптарында тәрбие сағаттары өткізілді. Сондай – ақ аға тәлімгер Г. Серікбаеваның ұйымдастыруымен бастауыш сыныптарда суреттер байқауы өткізілді. Сонымен қатыр «Жол қауіпсіздік ережелері» атты макеттер сайысы ұйымдастырылды. Барлық оқушылар сайысқа жаппай қатысып, жүлделі орындарға ие болды.

“Кітапхана – рухани жаңғыру жолында: Оқырман кітап оқы” тақырыбындағы кеңес

04.12.2017

Мектеп кітапханасында мұғалімдердің қатысуымен Елбасымыздың «Болашаққа бағдар: Рухани жаңғыру» мақаласы аясында «Кітапхана – рухани жаңғыру жолында: Оқырман кітап оқы» атты тақырыбында кеңес өткізілді. Мектеп директоры Г.Сабирова Елбасы мақаласына жан-жақты тоқталып, ұлы мақсатқа қол жеткізудің, яғни жаңғырудың басты 6 құрамдас бөлігін жік-жігімен түсіндірді. Олар: “Қазақ тілін латын әліпбиіне көшіру”, “Жаңа гуманитарлық білім, қазақ тіліндегі 100 жаңа оқулық” жобасы, “Туған жер” бағдарламасы, “Қазақстанның қасиетті жерлері” жобасы және алтыншы, “Қазақстандағы 100 жаңа есім” жобасы аясында жастардың мәдени, рухани дамуына іс-шаралар өткізуіміз тиіс деп атап өтті. Әлемдегі ең дамыған 30 елдің қатарына қосылу үшін білікті де білімді маман болып, Елбасы ұсынған рухани жаңғыру идеясын жүзеге асырылуына белсене атсалысуымыз қажеттігін атап өтті.

Зияткерлік сұрақ-жауап ойыны /1 желтоқсан Тұңғыш Президент күніне арналған/

29.11.2017

Мектеп кітапханасында Тұңғыш Президент күніне орай кітапханашының ұйымдастыруымен зияткерлік сұрақ-жауап ойыны өткізілді.
Мақсаты: Оқушыларға Президентіміз Н.Ә. Назарбаев туралы мәлімет беру, сан қырлы талант иесі, құдіретті тұлға екенін таныту. Отанын сүюге, елжандылыққа, елі сүйген Елбасынан үлгі алуға тәрбиелеу.
Зияткерлік сұрақ-жауап ойыны кіріспе сөзбен басталып, тақырып түсіндірілді. Оқушылар Н.Ә.Назарбаевтың өмір жолымен танысып, өздері білетін мәліметтерімен бөлісті. Елбасымызың еңбектерімен, туып – өскен жерімен, оқыған мектебі жайлы презентация көріп, кітаптармен танысты.
«1 – желтоқсан Президент күні» атты кітап көрмесіне библиографиялық шолу жасалынды.
Қорытындылау барысында оқушылардың пікірлерін тыңдап, кітапханашы сөзімен аяқталды.

2-4 сыныптарда жаппай «Жасыл-яғни үнемді» атты сынып сағаттары өтілді.

28.11.2017

Қазан жалпы орта білім беретін мектепте 2-4 сыныптарда жаппай «Жасыл-яғни үнемді» атты сынып сағаттары өтілді. Оның мақсаты оқушы бойында экологиялық мәдениет пен табиғи ресурстарды тиімді пайдалана білу ұғымын қалыптастыру, қазіргі кезде өзекті болып отырған қоршаған ортаның ластануы мен табиғи ресурстардың сарқылуы мәселесіне оқушылар назарын аудару. Мұғалімдер табиғаттағы су қорын,оның түрлерін түрлі зерттеулер арқылы оқушыларға көрсете отырып, оны үнемдеудің қажеттілігін түсіндіріп өтті. Тақырыпқа сай бейнелер көре отырып, оқушылар энергия өндірудің табиғи жолдары, қоқысты қайта өңдеу ұғымдарымен танысып, оның пайдалы жақтарын талдады. Топтаса отырып,
-ауызсу мен электр қуатын ұқыпты және тиімді пайдалану;
-қатты тұрмыстық қалдықтарды ұтымды жою және оларды қайта пайдалану мүмкіндігі;
-атмосфераға зиянды қалдықтардың тасталуын азайту және қоршаған ортаны сақтау үшін жасыл технологияларды пайдалану сияқты тақырыптар бойынша өз ойларын ортаға салды.
Қорытындысында балалар табиғи ресурстарды қалай үнемдеу керектігі туралы.
Ө

з ойларын жасыл жапырақтарға жазып,ағашқа жапсырды. Бұл жұмыс оларға табиғи ресурсатрды үнемдеудің жадынамасы болмақ.

“Жол қауіпсіздігін сақтайық!” суреттер көрмесі

27.11.2017

Қазан жалпы орта білім беретін мектебінде аға тәлімгер Г.Серикбаеваның ұйымдастыруымен “Жол қауіпсіздігін сақтайық!” суреттер көрмесі өтті. Суреттер көрмесіне бастауыш және орта буын оқушылары қатысып, үзік деп танылған суреттер мақтау қағазымен марапатталды.

Республикалық ғылыми тәжірибелік конференциясындан ІІ дәрежелі диплом

24.11.2017

2017 жылдың қараша айының 23-24 күндері аралығында Жезқазған қаласында «Дарын» республикалық ғылыми-практикалық орталығының ұйымдастыруымен өткен  «Болашаққа бағдар: рухани жаңғыру»  бағдарламасы аясында О.А.Байқоңыров атындағы «Адам капиталы елдің жаңашыл дамуының негізгі факторы ретінде» республикалық ғылыми тәжірибелік конференциясында Қазан жалпы орта білім беретін мектебінің мұғалімі Теміржанова Гүлдана Қазболатқызы қатысып, «Ыбырай Алтынсариннің «Өнер білім бар жұрттар» өлеңіндегі қазіргі қазақ мәдениеті» атты мақаласы ІІ дәрежелі дипломмен марапатталды. Мұғалімге шығармашылық табыс, тек биік шыңдардан көріне берінуіне тілектеспіз.

Жайдарман – 2017

18.11.2017

Май аудандық Ішкі саясат бөлімінің және “Армандастар” жастар орталығының ұйымдастыруымен өткен “Рухани жаңғыру” бағдарламасы аясында және Қазақстан Республикасының Рәміздерінің 25 жылдығына орай аудандық “Жайдарман” күзгі фестивалі өтті. Ойын “Сәлемдесу”, “Ширату” және “Үй тапсырмасы” бөлімдерінен тұрды. Қазан жалпы орта білім беретін мектебінің “Шалдың балалары” командасы 3-ші орын және “Ең үздік стиль” номинациясына ие болды.