Қазан жалпы орта білім беретін мектебінде Астана қаласының 20 жылдығына орай 5-сынып оқушыларымен “Астана – бас қала” тақырыбында сынып сағаты өтті. Мақсаты:оқушылардың Астана қаласына деген патриоттық мақтаныш сезімін туғызу; ұйымшылдыққа, туған жерін сүюге тәрбиелеу.Сынып сағаты барысында сынып жетекшісі Самал Амангелдіқызы оқушыларды Астана қаласының құрылу тарихымен таныстырып, әр түрлі тапсырмалар орындады.
Мақсаты: қазақтың ұлттық тағамдарын оқушылар арасында насихаттау.
Ұлыстың Ұлы күні наурыз мерекесіне орай мектепішілік «ұлттық тағам-дастархан көркі» жәрмеңкесі өткізілді. Жәрмеңкеге қазақтың ұлттық тағамдары көже, бешбармақ, бауырсақ, талқан, қоспа дайындалып қойылды. Оқушыларға әр тағамның маңызы мен құндылығы түсіндірілді.
Мақсаты: қылмыс пен сыбайлас жемқорлыққа қарсы күресті күшейту жөніндегі шараларды ұйымдастыру.
Сыбайлас жемқорлыққа қарсы іс-қимыл заңнамасының қалыптасуына 20 жыл толуына орай 14 наурызда мектепішілік 10-11 сынып аралығында сынып сағаты өткізілді. Сынып сағатында Елбасы Н.Ә.Назарбаевтың «Тұлғалар мен лауазымдарға қарамастан, сыбайлас жемқорлықпен аяусыз күресу қажет, басқару корпусы сөзсіз тазаруы және жаңғыруы қажет» деген сөзі талқыға салынып, оқушылардың өзіндік пікірлері тыңдалды. Сынып сағаты өзара сұрақ-жауап арқылы жалғасын тапты.
Мақсаты: қоржын жасау, қоржын түрлерімен таныстыру.
12 наурызда «Наурыз-қоржын» акциясы өткізілді. Акцияға 5-11 сынып оқушыларының қолдан жасаған қоржындары шығарылды. Ең жақсы жасалған 7-сыныптың «Бесік қоржын», 5- сыныптың «Той қоржыны», 6-сыныптың «Қыз қоржыны» марапатталды. 
Мақсаты: ұлттық қолөнер бұйымдарын жасау, келешек ұрпаққа таныстыру.
Елбасының «Болашаққа бағдар: Рухани жаңғыру» бағдарламалық мақаласы аясындағы жұмыстарды жандандыруға орай «Ұлттық қолөнер – ұрпаққа ұлағат» атты мектепішілік қолөнер шеберлерінің көрме-жәрмеңкесі өтті.
Көрмеге қазақ ұлтының қолдан жасалған бұйымдары қойылды. Көрмеге түрлі матадан, ағаштан жасалған заттар және әшекей-бұйымдары жасалды. Жасалған қолөнер бұйымдары киіз үй ішіне толықтырылды.
«Ұлттық қолөнер-ұрпаққа ұлағат» көрмесіне мектептің 1-11 сынып оқушылары жаппай қатысты.
Қазан жалпы орта білім беретін мектебінің 5-6 сынып оқушылары қолға алынған 8-наурыз Халықаралық әйелдер күні мерекесіне арналған “Біз біргеміз” акциясына қатысып, ауылдық әкімшілік, мәдениет үйі және ауыл амбулаториясының қызметкерлерін құттықтап, ашық хаттар табыс етті.
Қазан жалпы орта білім беретін мектебінің мектепалды даярлық сынып тәрбиеленушілерінің арасында “Астана – бас қала” суреттер көрмесі ұйымдастырылды. Мақсаты: тәрбиеленушілерге еліміздің бас қаласы Астана туралы мәлімет беру, қоршаған ортаны тани білу дағдыларын кеңейту. Даярлық сынып оқушылары “Парламент” ғимаратын, “Бәйтерек” монументін және “Ханшатыр” ғимаратының суреттерін салды.
Қазан жалпы орта білім беретін мектебінде «Өмірге Ия деп айт» республикалық ақпараттық науқаны аясында 5-8 сыныптар арасында «Ғаламтордың пайдасы мен зияны» дәріс сабағы өткізілді. Мақсаты: оқушының денсаулығына зиян келтіретін ақпараттың, насихат пен үгіттің теріс ықпалынан қорғау, ғаламторды тиімді пайдалану ережелерімен таныстыру.
Дәріс барысында ғаламтор және оның шығу тарихы жайлы ақпараттар беріліп, компьютер және ғаламторды пайдалану ережелерімен таныстырылды. Карточка бойынша балалар екі топқа бөлініп, «Ғаламтордың пайдасы мен зияны» тақырыбында бірінші топ венн диаграммасы арқылы, екінші топ сызба арқылы таныстырды. Дәріс барысында ақпараттық бейнеролик көрсетіліп, өмірдің мәні туралы практикалық жұмыс көрсетілді. Дәріс соңында оқушыларға ақпараттық парақшалар таратылып, «Ғаламтордың пайдасы мен зияны» жайлы ойларын, пікірлерін айтып, сабақты қорытындылады.
Алғыс айту күні – Қазақстан халқын мәңгілікке біріктіруге бағытталған, қазақстандық бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні. Тағдыр тәлкегімен Қазақстанға қоныс аударған түрлі этнос өкілдерін қазақ халқы құшақ жая қарсы алып, басқа түскен ауыртпашылықты бірге көтере білді. Сондықтан Алғыс айту күнін тарихқа тағзым ету деп түсінуге де болады. Бүгін Тәуелсіз Қазақстанды құру жолында ерінбей еңбек етіп, маңдай терін төккен ел азаматтарының бір-біріне құрмет білдіретін күн.
Қазан жалпы орта білім беретін мектебінде 1-наурыз “Алғыс айту” күні аясында түрлі іс-шаралар ұйымдастырылды. Таңертеңнен оқушылардың құттықтау бейнероликтерін тамашалап, ашық хаттарын таратып берілді. Сонымен қатар мектеп ұжымы “Алғыс айту бұрышына” өздерінің ізгі тілектерін жазып, “Тілек ағашына” арман-тілектерін айтып, матаның бөліктерін байлады. Мектеп оқушылары ауылдың ауыз су модулінің және амбулатория қызметкерлеріне алғыстарын айтып, мерекемен құттықтап қайтты.
Қазан жалпы орта білім беретін мектебінде 6,8 сынып оқушылары арасында “Қазақстан туған өлкем” тақырыбында тәрбие сағаты өтті. Мақсаты:оқушыларға табиғат біздің алтын ұямыз, қоршаған ортамыз, тіршілік көзіміз екенін, оларды қорғау, аялау ардақтау біздің міндетіміз екенін түсіндіру. Оқушылардың табиғатқа деген сүйіспеншілігін, аяушылығын ояту. Тәрбие сағаты барысында топтық жұмыс жасап, өз ойларын сызба, сурет арқылы жеткізді. Сабақ соңында оқушылар “Өз елім” әнін орындады.
1
Соңғы екі онжылдықта дін мен конфессияаралық қатынас аясындағы жағдай айтарлықтай өзгеріске ұшырады. Діни ахуалдың жай-күйі, өсу қарқынына жасалған талдау өскелең ұрпақ өкілдерінде діндарлықтың артқандығын байқатады. Және де бұл жеке тұлғаның табиғи рухани қажеттілігі тұрғысында ғана емес, қоғамда қалыптасқан мәдени және рухани дәстүрге нұқсан келтіруге талпынатын жалған діни ұйымдар қызметі арқылы да өсуде.
Қазіргі таңда елімізде діннің қоғамдық және адамдардың жеке өміріне ықпалы күшейе түсуде. Діни сенімдердің саналуан сипат алуы, түрлі діни топтардың көбеюі бұл мәселеге жіті назар аударуды талап етіп отыр. Осы мақсатпен мектепте «Діни ұйымдардың қоғамдағы рөлі» тақырыбында дөңгелек үстел өтті. Оқушыларға Павлодар облысы аймағында қызмет ететін діни бірлестіктер туралы мәлімет, Қазақстан Республикасы аумағында тыйым салынған ұйымдар туралы мәлімет берілді.
Қазан жалпы орта білім беретін мектебінде «Гүлдер» шағын орталығында Елбасымыз Н.Ә.Назарбаевтың «Болашаққа бағдар Рухани жаңғыру» бағдарламалық мақаласы аясында «Достық таусылмас қазына» атты көрме ұйымдастырылды.Көрменің мақсаты: балалардың туған жеріне, еліне деген сүйіспеншілігін арттыру.Тәрбиеленушілер мен ата-аналардың қолөнерін жаңғыртуға өз үлестерін қосты.
Қазан жалпы орта білім беретін мектебінде “Қазыналы – қарттарым” көмек көрсету акциясы ұйымдастырылды. Акцияға 9-сынып оқушылары мен аға тәлімгер Г.Серикбаева қатысты.
Қазан жалпы орта білім беретін мектебінің оқушысы Нажмиденова Ания “Жеті қазына” аудандық эссе сырттай конкурсына қатысып, “Алғыс хатпен” марапатталды.
Қазан жалпы орта білім беретін мектебінде Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы аясында “Асық ату” сайысының II кезеңі өтті.
Қазан жалпы орта білім беретін мектебінде Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласы аясында “Салт-дәстүр – асыл қазынам” көрмесі ұйымдастырылды.
