«Кітап – біздің досымыз» (библиографиялық сабақ)

27.03.2017

Көктемгі демалыс кезінде, наурыз айының 27-і күні мектеп кітапханасында 1-4-сынып арасында «Кітап – біздің досымыз»аттыбиблиографиялықсабақөткізілді. Барлығы 30 оқушықатысып, белсенділіктерін көрсетті.Библиографиялық сабақ кіріспе сөзбен басталып, тақырып ашылды. Оқушылар кітаптың шығу тарихы жайлы ақпарат тыңдап, кітапты ұқыпты ұстау жолдары туралы пікір алмасты. Кітап туралы мақал – мәтелдер айтып, викториналық сұрақтарға жауап берді. Қорытындылау барысында оқушылардың пікірлерін тыңдап, кітапханашы сөзімен аяқталды.
Мақсаты:Кітаптың адам өміріндегі маңызы,ғылым мен білімнің пайдасы жайлы түсіндіру.Кітапқа деген қызығушылығын арттыру.Оқулықтарын күтіп ұстауға үйрету.

Туберкулезден қалай сақтану керек

27.03.2017

Қазан жалпы орта білім беретін мектебі бойынша көктемгі демалыс кезінде өткізілетін іс- жоспары қурылып, бекітілді. Соның ішінде аға тәлімгер Г. Серікбаеваның ұйымдастыруымен  салауатты өмір салтын қалыптастыру мақсатында «Туберкулезден қалай сақтану керек » атты дөңгелек үстел өткізілді.  Мектеп медбибі Г. Далабаева Туберкулезден қалай сақтану керек туралы  мәлімет айтты.  Дөңгелек үстелде оқушылар Г. Далабаеваға келесі сұрақтар қойды. 1. Туберкулезден алдын алу шаралары туралы 2. Емделу жолдарын сүрады. Оқушылар  туберкулез  ауруы туралы толық ақпараттандырылды.

Ұстаз – ғазиз жүрегімде мәңгілік

27.03.2017

Ұстаз алдынан өтпейтін еш мамандық иесі жоқ, мұғалімге бас имейтін адам да кем де кем. Осындай ғажайып мамандық иесі-Темиргалиева Жібек Алтынбекқызы. Педагогикалық өмір жолын 1982 жылы Қазан орта мектебінде аға тәлімгер болудан бастады.
2004 жылы Шәкәрім атындағы Семей Мемлекеттік Университетінің «Қазақ тілі мен әдебиеті» факультетін бітірді. 1999 жылдан қазақ тілі мен әдебиеті пәнінің мұғалімі қызметін атқарды.
Жібек Алтынбекқызының ұстаздық қызметіне 35 жыл. Жас ұрпаққа білім мен тәрбие беріп келе жатқан ұлағат иесі, осы жылдар ішінде жастарға өз тәжірибесін үйретіп жүрген алдыңғы қатардағы ұстаздардың бірі. Қадірлі ұстаз оқушылар мен мұғалімдер, ата-аналар арасында зор бедел мен абыройға ие.
Әріптесіміз – биыл зейнеткерлік белесінде, сіңірген еңбегі- ел есінде!
Ақ жүрекпен сезіп ұстаз бақытын,
Шәкіртімен бірге өмірінің қызығы
Зейнеткерлік бақытының ғұмыры
Даңқыңыздың биік болсын тұғыры
Жас ұрпаққа сапалы білім, саналы тәрбие нұрын дарытқан білікті ұстазға мадақтауларды жалғастыра берсек, даналық сөздер тізбегі шексіздікке ұласады. Мерейлі зейнеткерлік жасында отбасының қызығына кенеле берсін демекпіз.

Қазан ОМ ұжымы

«Қош келдің , әз Наурыз»

20.03.2017

18 наурыз күні «Қош келдің , әз Наурыз» атты ұлыстың ұлы күні мерекелік шарасы өткізілді. Мерекелік шара ұлыстың ұлы күні мектеп спорт залы бәйшешектермен безендірілді, және ұлттық ойындар насихаттау мақсатында алтыбақан қойылды. 1-4 сынып аралығында ата- аналар ұлттық тағамдар насихаттауға дастархан жайып, оқушылардың өнерлерін тамашалады. 5-10 сыныптар аралығында19 наурыз күні өткізілді. Орта және жоғары буын оқушылары ұлттық тағамнан наурыз көже және бауырсақ дастархан жайып, Қыдыр атаның қатысуымен наурыз мейрамын мерекеледі. Мерекелік шараның соңында ұлттық ойындардан түрлі сайыстардан өткізіп, жеңімпаздар марапатталды. Ұлыстың ұлы күні наурызды мерекелеу деңгейі жылдан жылға артуда.

Жадырашы наурыз.

19.03.2017

Қазан жалпы орта білім беретін мектеп жанындағы «Гүлдер »шағын орталығы бұл мерекеге ерекше дайындалды. Мерекелік дастархан, ән-шашу,ұлттық ойындар,салт-дәстүр мерекеміздің сәнін ашты. Ертеңгілігімізді Қадыр атамыз өз игі-тілегімен ашса, ата-аналар арасында топтық «Шебер ана» сайысы өтсе, балалар мерекеге арасында «Тұсау кесу» салт-дәстүрін, «Арқан тарту» ұлттық ойынын, «Әжемнің шайы» әнімен , Наурыз мерекеге арналғани өлең-шумақтарын тарту етті. Ақ дастарханда наурыз көжеден дәм тартылып ізгі -тілектер айтылды.

Ағылшын тілінен Халықаралық «British Bulldog» конкурсы

17.03.2017

Ағылшын тілінен Халықаралық «British Bulldog» конкурсына 5 сынып оқушылары қатысып, Қазболат Сұлужан, Шакен Арсен ІІ дәрежелі, Мейрамбек Жания ІІІ дәрежелі дипломдарға ие болды.

Аудандық Абай оқуларының жүлдегерлері

11.03.2017

2017 жылы 10 наурыз күні жалпы білім беретін оқу орындарының 5-11 сынып оқушылары арасында аудандық Абай оқулары және Шәкәрім мұраларын жатқа айтушылар байқауы өтті. Қазан жалпы орта білім беретін мектебінен 3 оқушы қатысты. 10-сынып оқушысы Жолдыбаева Аружан “Көңілім әнді ұғады” номинациясы бойынша, 9 сынып оқушысы Қабылбек Аружан “Жүйріктен жүйрік озар жарысқанда” номинациясы бойынша ІІІ жүлделі орындарға ие болды.

Алғашқы әскери дайындық пәнінен өткен ашық сабақ

06.03.2017

Тәлімгерлер апталығының жоспарына сәйкес 2017 жылдың 6 ақпан күні алғашқы әскери дайындық пәнінің оқытушы – ұйымдастырушысы Сержан Сансызбаевич Хасенов 10-сыныпта алғашқы әскери дайындық пәнінен “Жарықшақты қол гранаталары” тақырыбына ашық сабақ өткізді.  Сабақ барысында оқушылар жаңа тақырыпты меңгерді. Мұғалім тиімді әдіс-тәсілдерді, ақпараттық коммуникативтік технологияларды қолдана білді. Сабаққа жас мамандар қатысып, іс-тәжірибемен алмасты.

.

«Барлығы үшін сіздерге алғысым шексіз» акциясы

01.03.2017

    Мақсаты: алғыс айту,  адамдардың бір-біріне сүйіспеншілігін арттыру.

1 наурыз 2017 жылы «Барлығы үшін сіздерге алғысым шексіз» акциясы шеңберінде сынып жетекшілер 1-10 сынып  «Алғысым шексіз» тақырыбында  тәрбие сағаттарын өткізді.  Оқушылар өзара  7,8-сынып мектеп мұғалімдеріне, 5 – сынып асхана қызметкерлеріне, 6 – сынып  шаруа қызметкерлеріне әр түрлі формада алғыстарын айтты. Сонымен қатар 9,10-сынып оқушылары мектептің құрметті, зейнеткер мұғалімі Н.Кисамиденоваға, ауыл амбулатория қызметкерлеріне  және 5- сынып оқушылары ауылдың әкімшілік ұжымына, мәдениет үйі ұжымына алғыстарын айтып,  «Алғысымыз шексіз» жадынамаларын таратты.

«Алғысымыз шексіз» «Рахмет» сөзінің қаншалықты адам жанына жақын, көңіл –күйді көтеретінін оқушылар саналарына түйді.

Мектепішілік Абай оқулары

22.02.2017

Мақсаты: Абай шығармаларын меңгеру арқылы ұлтжандылық сезімге тәрбиелеу, тереңінен ойлауға, есте сақтауға, зейін қойып тыңдауға үйрету
22 ақпан 2017 жылы мектепішілік Абай оқулары өткізілді. І бөлім «Өлең сөздің патшасы, сөз сарасы» 22 оқушы, ІІ бөлім «Жүйріктен жүйрік озар жарысқанда» 3 оқушы, ІІІ бөлім «Көңілім әнді ұғады» 5 оқушы қатысты.
Нәтижесінде:
І –бөлім «Өлең сөздің патшасы сөз сарасы» даярлық топ пен шағын орталық тәрбеленушілері арасында бас жүлде даярлық тобының тәрбиеленушісі Жамсап Адия, 1 орын Нұрлан Темирлан (даярлық топ), 2 орын шағын орталық тәрбиеленушісі Сулейменов Айбар, бастауыш сынып оқушылары арасында бас жүлде Қайырболат Ақнұр (2- сынып), 1 орын Мейрамбек Ержан (3-сынып), 3 орын Серікқали Сержан (3-сынып), жоғары сынып оқушылары арасында бас жүлде Қалайбекова Дария (5-сынып), 1 орын Мейрамбек Жания (5-сынып), 2-орын Қазболат Сұлужан (5-сынып), 3-орын Мұхамеджан Айым (5-сынып), Нажмиденова Ания (6-сынып), Бауыржанқызы Нұрай (9-сынып).
ІІ бөлім «Жүйріктен жүйрік озар жарысқанда» 1 орын Қабылбек Аружан (9-сынып), 2-орын Нурымов Дидар (7-сынып), 3-орын Нурымова Асия (10-сынып).
ІІІ бөлім «Көңілім әнді ұғады» 1-орын Тулеуова Айым (4-сынып), 2-орын Муханова Айгерім (7-сынып), 3-орын Жамсап Адия және Кабиева Мира (даярлық топ). Жеңімпаздар марапатттау қағаздары мен сыйлықтарға ие болды.

«Қазақстанның үшінші жаңғыруы: жаһандық бәсекеге қабілеттілік» Н.Ә.Назарбаевтың халыққа жолдауы

21.02.2017

Мақсаты: Елбасы жолдауын ұжымға таныстыру, өзара пікіралмасу.
21ақпан 2017жылы тарих пәнінің мұғалімі С.М.Жақсымбетова «Қазақстанның үшінші жаңғыруы: жаһандық бәсекеге қабілеттілік» Н.Ә.Назарбаевтың халыққа жолдауын мектеп ұжымына таныстырды. Түсіндіру жұмысы: слайд арқылы жүргізілді. Жұмыстардың жалғасы сұрақ-жауап, өзара пікіралмасу арқылы өткізілді. Нәтижесінде мектеп ұжымының Елбасы жолдауын қолдайтынын, жаһанды бәсекеге қабілеттілік Қазақстанның үшінші жаңғыруы екенін, оған қол жеткізуге әрбір Қазақстан азаматы өз үлесін қосуы керектігін айтты.

«Өзін-өзі тану: Махаббат пен шығармашылық педагогикасы»

16.02.2017

Ағымдағы жылдың ақпан айының 2-сінен 13-сі аралығында Қазан жалпы орта білім беретін мектебінде «Өзін-өзі тану» адамгершілік-рухани білім беру бағдарламасының негізіне жататын тәрбие және білім беру жүйесінде балалар мен жастардың адамгершілік-рухани жетілдіру идеясы оқушыларды жалпы адами құндылықтар әлеміне тартып, адами қарым-қатынас нормасымен таныстыратын, азаматтық мәдениетке қалыптастыратын және дамытатын «Өзін-өзі тану: Махаббат пен шығармашылық педагогикасы» атты дәстүрлі онкүндігі жоспар бойынша аталып өтілді. Оқушылардың ұсыныстары бойынша әр күнге «Ізгі тілектер» «Шығармашылық», «Жақсы сөздер мен істер», «Шыншылдық», «Денсаулық пен сұлулық», «Достық», «Қайырымдылық», «Көтеріңкі көңіл күй» атаулары берілді және осы күндерге сәйкес түрлі іс-шаралар ұйымдастырылып, пән мұғалімдері ашық сабақтар өткізіп, мектеп психологі ата-аналар мен оқушылар арасында қызықты тренингтер өткізді.

“Ата-ана және мектеп” тақырыбындағы мектепішілік ата-аналар жиналысы

13.02.2017

Мақсаты: ата-аналармен өзара байланысты нығайту, отбасы тәрбиесі және компьютерлік, ұялы телефон ойындарының зияны туралы түсінік беру.
13 ақпан 2017 жыл «Ата-ана және мектеп» тақырыбында жоспардан тыс мектепішілік ата-аналар жиналысы өткізілді. Жиналыстың жоспардан тыс өткізілуінің себебі:
Бағдарлама негізінде: мектеп психологы М.Магнурова «Ынтымақтастық» атты психологиялық тренингін, мектеп директоры Г.Сабирова «Мектеп ережесі» таныстырды. Май ауданы прокуратурасының шығыс хатымен Г.Темиржанова таныстырса, мектептің әлеуметтік педагогы Ж.Касыбаева «Компьютерлік ойындарының және теледидар, ұялы телефон бағдарламаларының балаға әсері» тақырыпта ата-аналармен компьютерлік және ұялы телефон ойындары жайлы ақпараттандыру жұмыстарын жүрргізді. Сонымен қатар мектеп психологы М.Магнұрова «Желідегі жеткіншектер» тақырыбында бейнеролик көрсетті. Оқушылардың сабаққа қатысуы бойынша толық талдауды директордың тәрбие ісі жөніндегі орынбасары Г.Темиржанова жүргізді. Әр түрлі тақырыпта ата-аналармен әңгіме жүргізу арқылы жиналыс қорытындыланып, шешім қабылданды.

«Тұмаудың алдын алу» дәріс сабақ

09.02.2017

Мақсаты: салауатты өмір салтын қалыптастырып, тұмаудың алдын алу жолдарын түсіндіру.
«Дені саудың жаны сау» демекші медбибі Г. Далабаеваның және аға тәлімгер Г. Серікбаеваның ұйымдастыруымен 1- 10 сыныптап арасында «Тұмаудың алдын алу» атты дәріс сабағы өткізілді.
Медбибі Г. Далабаева «Тұмаудың алдын алу» дәрісін оқып, оқушыларға қандай жағдайда нені қолдану керектігін түсіндіріп, бірінші медициналық көмекті прақтика жүзінде аға тәлімгермен бірлесе көрсетті.

«Жасөспірім және заң» ІІБ қызметкерімен кездесу

08.02.2017

Мақсаты: жасөспірім арасында құқықбұзушылықтың алдын-алу.
8 ақпан 2017 жылы ауылымыздың ІІБ қызметкері Рахманбергенов Дастан Мүбаракұлымен 5-10 сынып аралығында «Жасөспірім және заң» тақырыбында кездесу өткізілді. Кездесу барысында мектеп психологы М.Магнұрова оқушылар мен аға инспектор арасында психологиялық ахуал орнатты. Аға инспектор Д.Рахманбергенов құқықбұзушылықтың алдын-алуға байланысты дәріс жүргізді. Дәріс соңында оқушылар өздерін толғандырған сұрақтарын қойып, жауаптарын талқылады.

«ЖАҢАРТЫЛҒАН БІЛІМ БЕРУ МАЗМҰНЫ: ІЗДЕНІС ЖӘНЕ ТӘЖІРИБЕ» ТАҚЫРЫБЫНДАҒЫ АУДАНДЫҚ СЕМИНАР

03.02.2017

Білім беру бөлімінің жоспарына сәйкес Қазан жалпы орта білім беретін мектебінде 2017 жылдың 2 ақпанында «Жаңартылған білім беру мазмұны: ізденіс және тәжірибе» тақырыбында жаңартылған білім беру мазмұны мен критериалды бағалау жүйесін енгізу барысында мұғалімдердің педагогикалық шеберліктерін арттыру мақсатымен аудандық семинар өткізілді. Қазақ тілі, ағылшын тілі, орыс тілі мен әдебиет және технология пән мұғалімдері төрт бағыт бойынша жұмыс жасады. Орыс тілі мен әдебиет пәнінің мұғалімі Г.К.Кисамиденова, технология пәнінің мұғалімі Д.Т.Темиргалиев ашық сабақтар берді. Біліктілігі жоғары деңгейдегі жоғары санатты орыс тілі мен әдебиет мұғалімі Гульмира Каскырбаевна «Виды оценивания на основе обновленной программы в начальных классах по предмету «Русский язык» тақырыбына орыс тілі мен әдебиет пән мұғалімдеріне коучинг жүргізді. Білім беру мазмұнын жаңарту жағдайында 1-сыныпта орыс тілі және ағылшын тілі пәндерінің оқытуда Д.Е.Какежанова видео сабақтар арқылы көрсетті. Аудандық қазақ тілі мен әдебиет әдістемелік бірлестік жетекшісі Ж.А.Темиргалиевамен эссе жазудың теориялық, әдістемелік мәселелері қарастырылды. Аудан көлеміндегі жоғары және бірінші санатқа өтетін мұғалімдердің шығармашылық есептері тыңдалды. Мектеп үйлестірушісі А.Т.Аушаихова өткізген «Критериалды бағалау. Жиындық бағалау үдерісі» атты семинар аясында қатысушылар оқытудағы жиынтық бағалау жүргізуге қатысты сұрақтар талқыланып, тәжірибемен алмасты.
Семинарға білім беру бөлімінің әдістемелік кабинетінің меңгерушісі Н.Ж.Адамжанова және әдістемелік кабинет әдіскері Г.Қ.Заирова қорытындылап, барлық қатысушылардың көңілінен шыққан аудандық шараны өте жоғары деңгейде ұйымдастырғаны үшін мектеп директоры Г.Ж.Сабирова мен мектеп ұжымына білім беру бөлімінің атынан алғыстарын білдірді.