Қазан жалпы орта білім беретін мектебінде «Мен және менің полицейім» атты акция өткізілді. Мақсаты: Оқушыларды көшеде дұрыс жүріп, жол ережелерін, қауіпсіздігін білуге, есте сақтауға тәрбиелеу. «Сіздің жолаушыңыз-бала!», «Жол көлік оқиғасынан зардап шеккен балаға көмектес!» тақырыптарында тәрбие сағаттары өткізілді. Сондай – ақ аға тәлімгер Г. Серікбаеваның ұйымдастыруымен бастауыш сыныптарда суреттер байқауы өткізілді. Сонымен қатыр «Жол қауіпсіздік ережелері» атты макеттер сайысы ұйымдастырылды. Барлық оқушылар сайысқа жаппай қатысып, жүлделі орындарға ие болды.

Мектеп кітапханасында мұғалімдердің қатысуымен Елбасымыздың «Болашаққа бағдар: Рухани жаңғыру» мақаласы аясында «Кітапхана – рухани жаңғыру жолында: Оқырман кітап оқы» атты тақырыбында кеңес өткізілді. Мектеп директоры Г.Сабирова Елбасы мақаласына жан-жақты тоқталып, ұлы мақсатқа қол жеткізудің, яғни жаңғырудың басты 6 құрамдас бөлігін жік-жігімен түсіндірді. Олар: “Қазақ тілін латын әліпбиіне көшіру”, “Жаңа гуманитарлық білім, қазақ тіліндегі 100 жаңа оқулық” жобасы, “Туған жер” бағдарламасы, “Қазақстанның қасиетті жерлері” жобасы және алтыншы, “Қазақстандағы 100 жаңа есім” жобасы аясында жастардың мәдени, рухани дамуына іс-шаралар өткізуіміз тиіс деп атап өтті. Әлемдегі ең дамыған 30 елдің қатарына қосылу үшін білікті де білімді маман болып, Елбасы ұсынған рухани жаңғыру идеясын жүзеге асырылуына белсене атсалысуымыз қажеттігін атап өтті.

Мектеп кітапханасында Тұңғыш Президент күніне орай кітапханашының ұйымдастыруымен зияткерлік сұрақ-жауап ойыны өткізілді.
Мақсаты: Оқушыларға Президентіміз Н.Ә. Назарбаев туралы мәлімет беру, сан қырлы талант иесі, құдіретті тұлға екенін таныту. Отанын сүюге, елжандылыққа, елі сүйген Елбасынан үлгі алуға тәрбиелеу.
Зияткерлік сұрақ-жауап ойыны кіріспе сөзбен басталып, тақырып түсіндірілді. Оқушылар Н.Ә.Назарбаевтың өмір жолымен танысып, өздері білетін мәліметтерімен бөлісті. Елбасымызың еңбектерімен, туып – өскен жерімен, оқыған мектебі жайлы презентация көріп, кітаптармен танысты.
«1 – желтоқсан Президент күні» атты кітап көрмесіне библиографиялық шолу жасалынды.
Қорытындылау барысында оқушылардың пікірлерін тыңдап, кітапханашы сөзімен аяқталды.

Қазан жалпы орта білім беретін мектепте 2-4 сыныптарда жаппай «Жасыл-яғни үнемді» атты сынып сағаттары өтілді. Оның мақсаты оқушы бойында экологиялық мәдениет пен табиғи ресурстарды тиімді пайдалана білу ұғымын қалыптастыру, қазіргі кезде өзекті болып отырған қоршаған ортаның ластануы мен табиғи ресурстардың сарқылуы мәселесіне оқушылар назарын аудару. Мұғалімдер табиғаттағы су қорын,оның түрлерін түрлі зерттеулер арқылы оқушыларға көрсете отырып, оны үнемдеудің қажеттілігін түсіндіріп өтті. Тақырыпқа сай бейнелер көре отырып, оқушылар энергия өндірудің табиғи жолдары, қоқысты қайта өңдеу ұғымдарымен танысып, оның пайдалы жақтарын талдады. Топтаса отырып,
-ауызсу мен электр қуатын ұқыпты және тиімді пайдалану;
-қатты тұрмыстық қалдықтарды ұтымды жою және оларды қайта пайдалану мүмкіндігі;
-атмосфераға зиянды қалдықтардың тасталуын азайту және қоршаған ортаны сақтау үшін жасыл технологияларды пайдалану сияқты тақырыптар бойынша өз ойларын ортаға салды.
Қорытындысында балалар табиғи ресурстарды қалай үнемдеу керектігі туралы.
Ө

з ойларын жасыл жапырақтарға жазып,ағашқа жапсырды. Бұл жұмыс оларға табиғи ресурсатрды үнемдеудің жадынамасы болмақ.

Қазан жалпы орта білім беретін мектебінде аға тәлімгер Г.Серикбаеваның ұйымдастыруымен “Жол қауіпсіздігін сақтайық!” суреттер көрмесі өтті. Суреттер көрмесіне бастауыш және орта буын оқушылары қатысып, үзік деп танылған суреттер мақтау қағазымен марапатталды.

2017 жылдың қараша айының 23-24 күндері аралығында Жезқазған қаласында «Дарын» республикалық ғылыми-практикалық орталығының ұйымдастыруымен өткен  «Болашаққа бағдар: рухани жаңғыру»  бағдарламасы аясында О.А.Байқоңыров атындағы «Адам капиталы елдің жаңашыл дамуының негізгі факторы ретінде» республикалық ғылыми тәжірибелік конференциясында Қазан жалпы орта білім беретін мектебінің мұғалімі Теміржанова Гүлдана Қазболатқызы қатысып, «Ыбырай Алтынсариннің «Өнер білім бар жұрттар» өлеңіндегі қазіргі қазақ мәдениеті» атты мақаласы ІІ дәрежелі дипломмен марапатталды. Мұғалімге шығармашылық табыс, тек биік шыңдардан көріне берінуіне тілектеспіз.

Май аудандық Ішкі саясат бөлімінің және “Армандастар” жастар орталығының ұйымдастыруымен өткен “Рухани жаңғыру” бағдарламасы аясында және Қазақстан Республикасының Рәміздерінің 25 жылдығына орай аудандық “Жайдарман” күзгі фестивалі өтті. Ойын “Сәлемдесу”, “Ширату” және “Үй тапсырмасы” бөлімдерінен тұрды. Қазан жалпы орта білім беретін мектебінің “Шалдың балалары” командасы 3-ші орын және “Ең үздік стиль” номинациясына ие болды.

Қазан жалпы орта білім беретін мектебінде мектеп кітапханашысы Айжан Жолдасбекқызының ұйымдастыруымен «Қазақстанның ұлттық валютасы – теңге» атты тәрбие сағаты өткізілді. Мақсаты: Ұлттық валюта туралы мәлімет беру, төл ақшамыздың маңызын ұғындыру.
Тәрбие сағаты кіріспе сөзбен басталып, тақырып түсіндірілді. Келесі кезеңде теңге, ұлттық валюта түсініктерімен жұмыс жасады. Тарихи басқатырғыш, ақпараттық қағазды толтыру сияқты тапсырмалар орындап, теңге тарихымен танысты. Кітапханада ұлттық валюта күніне көрме ұйымдастырылды. Қорытындылау барысында оқушылардың пікірлерін тыңдап, кітапханашы сөзімен аяқталды.