Мектеп директорының оқу ісінің орынбасары С. Жақсымбетова 11-сынып ата-аналарымен және мектеп бітірушілермен ҰБТ-2021 жылғы ерекшеліктермен таныстырып өтті. Наурыз айында бірінші рет 11-сынып оқушылары ҰБТ-ді компьютерлік форматта тапсырады.
2021 жылдың наурыз айынан бастап санитарлық-эпидемиологиялық шараларды сақтай отырып, оқушыларды ыстық тамақпен қамтамасыз ету ұйымдастырылды.
Адалдық сағаты-Тәрбие жұмысының жоспары негізінде сыбайлас жемқорлыққа қарсы іс-қимыл агенттігінің “Тұралықты тұғыр еткен Төле би” онлайн-бейнедәріс барысында оқушылар Төле бидің осынша тарихи биік тұлға дәрежесіне жетуіне себеп болған тұлғалық қасиеттерімен таныстырылды.
“Гүлдер” шағын орталығында көрісу күні. Көрісу күнін Наурыз мейрамның бастауы деп айтуға болады. Көрісу дәстүрінің тарихына үңілсек, ертеректе жапан далада қыс айларында мал баққан көпшенді халық бір-бірімен көрісе алмай, бір-бірін тек көктем Наурыз мейрамына қарай көре алған екен. Бір-біріне амандық-саулық, өкпе-ренішін кешіріп жатады. Бұл күнді Амал мерекесі деп те атайды.
1.www.egov. kz электрондық үкімет сайтына өтіңіз
2.Порталда тіркелу.
3.”Білім беру” -“орта білім беру”-“білім беру” ұйымдарына құжаттарды қабылдау және оқуға қабылдау (бастауыш, негізгі орта, жалпы орта, арнайы) бөліміне өту.
4.”Қызметке онлайн тапсырыс беруді” таңдаңыз.
5.Қажетті мәліметтерді толтырыңыз.
6.Сканерленген құжаттарды тіркеңіз.
7.ЭЦК-мен растаңыз.
Интернет арқылы өтініш бере алмайтын ата-аналар үшін мектепте компьютер және сканермен жабдықталған қызмет көрсету бұрышы ұйымдастырылған.
“Жүн түту, ұршық иіру, жіп дайындау, тоқыма тоқу”. Тәрбие жұмысының жоспары негізінде “Рухани жаңғыру ” бағдарламасы “Дәстүр мен ғұрып” арнайы жобасы “Жүн түту, ұршық иіру, жіп дайындау, тоқыма тоқу” конкурсына 1-сынып оқушысы Маралбек Сания анасымен белсенді қатысуда.
“Жүн түту, ұршық иіру, жіп дайындау, тоқыма тоқу”.Тәрбие жұмысының жоспары негізінде “Рухани жаңғыру” бағдарламасы “Дәстүр мен ғұрып” арнайы жобасы “Жүн түту, ұршық иіру, жіп дайындау, тоқыма тоқу” конкурсына 10-сынып оқушысы Нажмиденова Ания белсенді қатысуда.
Тәрбие жұмысының жоспары негізінде “Рухани жаңғыру” бағдарламасының арнайы жобасы “Ауыл-Ел бесігі” атты челенджіне 4 -сынып оқушысы Жамсап Әдия отбасымен қатысады. Челленджді 5-сынып оқушысы Нұрмұхамбет Ернұрдың отбасына жолдайды.
Тәрбие жұмысының жоспары негізінде “Рухани жаңғыру” бағдарламасының арнайы жобасы “Дала фольклоры мен музыкасының мың жылы” бағыты бойынша отбасылық тәрбие құндылығын негізге ала отырып , 2- сынып оқушысы Қлышбек Айаруға анасы Темирбаева Гүлмира қазақтың ұлттық аспабы домбыраны үйретуде.
2021 жылдың 8-11 ақпан аралығында жалпы білім беретін пәндер бойынша олимпиаданың 2-кезеңі, яғни аудандық пән олимпиадасы өтті. Пән олимпиадасында 6 оқушымыз жүлделі орынға ие болды. Жүлдегерлерімізді құттықтаймыз!.Пән олимпиадасы қатаң санитарлық нормалардың және олимпиада ережелерін сақтаумен өтті.
Жамбыл- әрі эпик, әрі айтыс ақыны; абыз жырау әрі жауынгер жыршы. Ол шын мағынасындағы биік парасатты өнерпаз, азаматтық саяси поэзияны қалыптастырушы. Оның сөздері ұранға айналып, өзі халық поэзиясының атасы аталды.
“Жүн түту, ұршық иіру, жіп дайындау, тоқыма тоқу”.Тәрбие жұмысының жоспары негізінде Рухани жаңғыру бағдарламасы “Дәстүр мен ғұрып” арнайы жобасы “Жүн түту, ұршық иіру, жіп дайындау, тоқыма тоқу” конкурсына 2-сынып оқушысы Кабиева Айым, 4-сынып оқушысы Кабиева Мира белсенді қатысуда.
Ұлттық қоғамдық сенім кеңесінің отырысында Мемлекет басшысы Қасым- Жомарт Тоқаев ұлтымыздың оқуға құштарлығын арттыру үшін тиісті шараларды қабылдауды тапсырды.Ол үшін бала мектеп жасынан бастап көркем әдебиетті оқуға ұмтылуы қажет. Біз осы мақсатта жағдай жасауға міндеттіміз.Кітап оқуға бала кезден баулу керек.Адамның әдебиетке деген махаббаты сол балалық шақтан пайда болады.
«Рухани жаңғыру» болашаққа бағдар «Туған жерге тағзым» жобасы әрбір азаматтың жерімен еліне, мектебіне қамқорлық жасауын көздейді.Мектебіміздің 1995 жылғы түлектері оқушыларымыздың қолөнер іс тігуне қызығушылықтарын арттыруға өз үлестерін қосып, 5 тігін машнасын сыйға тартты.1995 жылғы түлектерге көптен көп рахмет айта отырып, отбасыларыңызға бақыт, еңбектеріне табыс тілейміз.
22 қаңтар күні “Жаңартылған білім беру мазмұны жағдайындағы мектеп кітапханаларының трансформациясы” облыстық форумы өтті. Мақсаты: функционалдық сауаттылықты қалыптастыру саласында мектеп кітапханашылары мен гуманитарлық пәндер мұғалімдерінің кәсіби құзыреттіліктерін жетілдіру. Бастауыш сынып мұғалімдерінің “Кітап -білімнің түпсіз аспаны, терең бастауы” тақырыбында өткен секция жұмысында Қазан ОМ бастауыш сынып мұғалімі Амиза Айгүл “Білім алушылардың әдеби кітап оқуға құштарлық уәжін арттыру “тақырыбында тәжірибесімен бөлісті.
“Менің тату отбасым” облыстық балалар суреттер конкурсының қатысушылары 2-сынып оқушылары: Серікбай Санжар, Далелхан Азамат, Кабиева Айым, 1-сынып оқушылары: Қазболат Асанали, Кисабаев Раим, Мейрамбек Дінмұхамед белсенділік танытып, шығармашылық қабілеттерімен бөлісті.
