8 наурыз

14.03.2015

Қазан жалпы орта білім беретін мектебінде мектепалды даярлық сыныбында  халықаралық әйелдер күні мерекесіне орай «Көктем гүлі» атты мерекелік іс-шара өткізілді.

Мақсаты: қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт дәстүріне байланысты әдептілікке, инабаттылыққа, ізеттілікке тәрбиелеу.

Мектепалды даярлық сыныбында өткізілген іс –шараға ата-аналар мен мектеп ұжымы шақырылды. Әр ата-ана балаларының өнерлерін тамашалап, жүздерінен шаттық мейірімге толы көңіл күйлері байқалды. Мерекелік іс шарның соңында ата –аналар құттықтаулар мен тілектерін білдірдіп, балаларға шағын сыйлықтар табысталуымен аяқталды.

Біз тазалықты сақтаймыз!

15.02.2015

Республикалық тазалық күні 17-18 сәуір күндері мектеп ұжымы мен мектеп оқушылары «Біз тазалықты сақтаймыз!» деген ұранмен мектеп ауласын тазалау жұмыстарын жүргізді. Мектеп алаңында әдемі әуендер шырқалып, оқушылар белсенділік танытып, көңіл-күйлері көтеріңкі болды.


Ұрпаққа ұран ұлы есім

23.01.2015

                                                   Қорған болған елінің елдігіне,

                                                   Батырлардың бас идік ерлігіне.

                                                     Ұрпақтары қаһарман бабалардың

                                             Тәуелсіз қамалын көрдік міне!

           Оқушыларға патриоттық тәрбие бере отырып, Павлодар облысының батыр ұлы Махмет Қайырбаевтың ерлік істерін, отансүйгіштік қасиеттерін мақтан ету, оны өз бойларына сіңіре білуге тәрбиелеу мақсатында Қазан жалпы орта білім беретін мектебінде тарих пәнінің мұғалімі Хасенов Сержан Сансызбайұлы Кеңес Одағының Батыры, зеңбірекші «Махмет Қайырбаевтың туғанына 90 жыл» толуына орай «Ұрпаққа ұран-ұлы есім» атты тақырыпта оқушылармен тарихи кездесу өткізді.

         Махмет Қайырбаев 1925 жылы 1 қаңтарда Павлодар облысы Бесқарағай ауданы Семиярка селосында дүниеге келген. Махмет атамыздың өмірі біздің облысымыздың тыныс-тіршілігімен тығыз байланысты болғаны және балалық шағы Аршалы жазығындағы Құлмырза тауы етегінде (Май ауданы) өткенін, оның ерліктері туралы кеңінен мәлімет беріп, таныстырып кетті. Айта кетсек Махмет Қайырбаев атамыз Литва аумағындағы Шауләй түбіндегі ұрыста ерлігі үшін Кеңес Одағының Батыры атағымен марапатталған. Оқушылардың Махмет атамыздың өмірі туралы білуге қызығушылықтары артып, сұрақтар қойып отырды. Сонымен қатар, өздерінің ойларын ортаға салып, кештің өте жоғары деңгейде өтуіне ат салысты.

Тестілеу қорытындылары

22.01.2015

Қазан жалпы орта білім беретін мектебінің 11- сынып оқушыларымен

өткізілген алдын-ала тестілеу қорытындысы   2014-2015 оқу жылы

І тоқсан

Мектеп бойынша алдын-ала тестілеу қорытындысы

мерзімі

02.09.

12.09

19.09

26.09.

03.10

10.10.

17.10.

24.10.

31.10.

Орта балл

83

64,2

72,8

66,2

74,4

76

82,8

78,8

87,2

 

Қазан жалпы орта білім беретін мектебінің 11- сынып оқушыларымен

өткізілген алдын-ала тестілеу қорытындысы   2014-2015 оқу жылы

ІІ тоқсан

Мектеп бойынша алдын-ала тестілеу қорытындысы

мерзімі

14.11.

21.11.

28.11.

05.12.

12.12.

19.12.

Орта балл

76,6

85

81,6

82,4

89,6

91,25

Бейнелеу, технология, музыка пәндерінің апталығы

22.01.2015

Қазан жалпы орта білім беретін мектебінде 12-ші және 17 қаңтар аралығында технология, бейнелеу өнері, еңбекке баулу, музыка пәндері апталығы өтті.

Апталық мақсаты: Оқытудың озық технологияларын меңгере отырып, жас ұрпаққа заман талабына сай жаңаша білім беруді қалыптастыру және оқушылардың сыныпта алған,меңгерген білімін,жеке пәнге қызығушылығын түрлі сыныптан тыс жұмыстар арқылы арттыру.

Аптаның басында технология және бейнелеу өнері пәндерінің мұғалімі Д.Темиргалиев оқушыларды апталық жоспарымен таныстырып, «Біздің сынып» атты суреттер сайысын жариялады. Апталық барысында технология пәні мұғалімі Д.Темиргалиев «Жас технолог» және бастауыш сынып мұғалімі А.Аушаихова «Он саусақ» атты сайыстар өткізді.

    

Сайыстар ойдағыдай өткізіліп, қатысушылардың көңіл-күйлеріне және қызыға қатысқандарына қарай сайыстар өз көздеген мақсатына жетті деген ойдамыз. Сайыс соңында сайыскерлер мадақтау грамоталарымен және тәтті сыйлықтармен марапатталды.

    

Сайыстармен бірге ашық сабақтар да музыка пәнінен Г.Шонова «Ұлттық аспаптар» , еңбекке баулу пәнінен А.Кайдарова «Әткенше құрастыру» және кембридж әдіс-тәсілдерін қолдану арқылы Ж.Нажмиденова бейнелеу өнері пәнінен «Адам және жануарлар» (мүсін өнері), А.Аушаихова еңбек пәнінен «Ұлттық киім түрлері», Д.Темиргалиев бейнелеу өнері пәнінен «композиция» тақырыбында өткізілді. Сабақтар қызықты, әр түрлі жаңа әдіс-тәсілдерді қолдану арқылы өтті. Апталық соңында суреттер көрмесінің қорытындысы жасалып қатысушылар марапатталды.

 

       

Жаңа 2015 жыл

21.01.2015

Жаңа жыл, жаңа жыл

Жаңа бақыт, жаңа нұр.

деген ұранмен Қазан жалпы орта білім беретін мектебінде Жаңа 2015 жыл мерекесі  өткізілді. Мектеп жанындағы шағын орталықта ертеңгілік ата-аналардың қатысуымен қызықты өтті. Барлық бүлдіршіндер көз тартар киім үлгілерін киіп, би билеп, ән шырқады. Аяз аталарына арнап өлеңдерін оқыды. Аяз Ата бүлдіршіндерге сыйлықтарын сыйлады.

Аяз ата шеберханасы

21.01.2015

Қазан жалпы орта білім беретін мектебінде Жаңа жыл мерекесіне орай “Аяз ата” шеберханасы жұмыс жасады. Мұнда барлық сынып оқушылары жаңа жылдық әшекей бұйымдарын жасап, шыршаны безендіру жұмыстарын бастап кетті.

    

тарих, география апталығы

18.12.2014

Қараша айының 24-29 аралығында мектепте тарих, география апталығы өтті. Апталық барысында ашық сабақтар беріліп, сыныптан тыс іс-шаралар өткізілді.

(толығырақ…)

“Әй, жарайсың!”

18.12.2014

     Қазан жалпы орта білім беретін мектебі бойынша 16 желтоқсан- Тәуелсіздік күніне орай мектеп жанындағы шағын орталығының және мектепалды даярлық сыныбының тәрбиеленушілері мен ата – аналарының қатысуымен «Әй жарайсың!» атты спорттық сайысы өткізілді. Сайыс 6 кезеңнен тұрды. Таныстыру, кедергіден өту, озып көр, секіртпемен жарысу, мергендер, арқан тартысу. Мектеп жанындағы шағын орталығының бүлдіршіндері “Гүлдер” тобы «Озып көр» кезеңінде қазылар алқысының көз айымына түсті. Сайыс соңында көрермендер бүлдіршіндердің тәуелсіздік күніне арналған тақпақтары мен өлеңдерін тамашалады.

Жеңімпаздар бағалы сыйлықтар мен мақтау қағаздарымен марапатталды.

         

“Нұрлы жол” жарқын болашаққа бастар жол

14.12.2014

Елбасы десек – Тәуелсіздік, Тәуелсіздік десек – Елбасы ойға оралатын нұрлы бейбіт күндеріміз Елбасының халқынаЖолдауымен жалғасып келеді.

Қазан орта мектебінде Елбасының “Нұрлы жол – болашаққа бастар жол” жолдауын насихаттау мақсатымен сынып сағаттары өткізілді. Мектеп оқушыларына тарих пәнінің мұғалімі С.Хасенов  түсіндірме жұмыстарын жүргізді.  Елбасы жолдауын қолдай отырып, тұрақтылық пен келісім, бейбітшілік – креативті, ырғақты жастарымыздың жарқын болашағының кепілі екенін атап кетті.

                     

Кемеңгер елбасы-ырысы елімнің

14.12.2014

… Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп перзентім деп төбесіне көтерген халыққа, арғы-бергідегі қазақ баласының бірде-бірінің пешенесіне бұйырмаған бақыты – толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңенің керегі жоқ, осы жолда мен бойымдағы бар қайрат-қабілетімді, білім-білігімді аямай жұмсаймын, қандай да тәуекелге барамын.

Нұрсұлтан Назарбаев

 

     Нұрсұлтан Назарбаев – мемлекеттігімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы. Аумалы-төкпелі алмағайып заманда мың өліп, мың тірілген қазақ үш ғасыр бойы іздеген мұратына да, арманына да Н.Ә Назарбаев тұсында жеттік. Билік тізгінін қолына ұстаған жылдардағы Президентіміздің жарқылдаған келбетін, биік болмысын, кемел дарынын, ел басшысы ретінде көсемдік қасиеттерін бүгінгі ұрпақ жақсы білуі тиіс деген мақсатпен 1-желтоқсан «Тұңғыш Президент күні» орай мектебімізде «Кемеңгер Елбасы-ырысы елімнің» тақырыбында ашық сынып сағаты өткізілді.

(толығырақ…)

Алғашқы әскери дайындық

03.11.2014

Қазан жалпы орта білім беретін мектебінде алғашқы әскери дайындық пәнінің азаматтық-патриоттық жұмыс жоспарына сәйкес 31 қазанда 10-11 сыныптар арасында «Қазақстан Республикасы Қарулы Күштерінің әрбір жауынгері үшін әскери антты орындау – абырой мен ар ісі, оның бүкіл өмірінің заңы» атты тақырыпта дәріс сабағы өтті. Сабақтың мақсаты патриоттық тәрбие беру мақсатында оқушыларға әскери антты қабылдау рәсімімен таныстыру және әскери анттын әр жауынгердің өмірінде қандай орын алатынын түсіндіру. Сабақ қызықты өтті, барлық оқушылар сабаққа белсенді қаттысты. 

Бастауыш сынып апталығы

11.10.2014

«Бастауышым, бал бұлағым!»

«Мектеп- кеме, білім- теңіз» демекші, қазіргі заман- білім мен ғылымның бәсеке заманы. Сондықтан мектептің әдістемелік жұмысының жүйелі жүргізілуі қадағаланады. Өзгеріп жатқан өмір жағдайында үздіксіз кәсіби дамуына аса көңіл аударылады.

Қыркүйек айының 29 жұлдызынан бастап, қазан айының 4-ші жұлдызына дейін бастауыш сынып апталығы өтті.

(толығырақ…)

Денсаулық апталығы

09.10.2014

Қазан жалпы орта білім беретін мектебінде дене шынықтыру апталығының салтанатты ашылуы болды.Бұл күнгі салтанатты ашылу рәсіміне 1-11-ші сынып оқушылары қатысты.Әр сыныптың талапқа сай дайындалғаны байқалды.Әр топ аттарын, таңбаларың, спорттық киімдерін қорғады.

(толығырақ…)

Алғашқы қоңырау

09.10.2014

«Қазақстан-2050: Бір мақсат, бір мүдде, бір болашақ» тақырыбында Қазан жалпы орта білім беретін мектебінде 1-қыркүйек «Білім күні» мерекелік іс-шара өтті.

 

 

 

 

 

 

 

 

 

 

 

 

Мектепке жол

09.10.2014

Қазан жалпы орта білім беретін мектебі бойынша «Мектепке жол» республикалық акциясын ұйымдастыру және өткізу жөніндегі ақпарат

2014-2015оқу жылы

Май ауданының білім беру бөлімінің 2014 жылғы 30 шілдедегі № 1-06/135 кіріс хатының «Мектепке жол» жалпы республикалық қайырымдылық акциясын 2014 жылғы 1 тамыздан 30 қыркүйекке дейін ұйымдастыру және өткізу жөніндегі іс-шаралар негізінде мектепішілік жоспары құрылып, өткізілді. Акция мақсаты – оқумен қамтылмаған балаларды анықтау, аз қамтамасыз етілген және көп балалы отбасылардан шыққан, жетім балаларға, сондай-ақ оқу жылына дайындық кезінде ата-аналарының қамқорынсыз қалған балаларға қолдау көрсету және әлеуметтік себептер бойынша балалардың мектепке келмеуінің алдын алу болып табылады. «Мектепке жол» республикалық акциясын ұйымдастыру және өткізу мақсатында мектеп бойынша комиссия құрылды. Тамыз айынан бастап мектеп әкімшілігі мен ауыл әкімшілігі бірігіп 2014-2015 оқу жылында мектепке барудан бас тартқан немесе оқудан бас тартқан, қараусыз қалған, жайсыз отбасынан шыққан балалар жергілікті атқару органдарының, білім беру, ішкі істер, үкіметтік емес ұйымдардың, ата-аналар қауымдастығы өкілдерінің қатысуымен рейд өткізілді. Рейд барысында аз қамтамасыз етілген, көпбалалы, жетім, тұрмысы төмен отбасылардың тұрмыстық жағдайы анықталды. Рейдтің нәтижесінде мектепке барудан бас тартқан немесе оқудан бас тартқан, қараусыз қалған балалар анықталмады. Акция барысында плакаттар мен үндеулер таратылып, хабарландыру ілінді, кәсіпкерлер мен шаруашылық басшыларына акцияға қатысу туралы үндеу хаттар жолданды. Оқушыларды жаңа оқу жылына дайындық ретінде көмек көрсеткендер: ауыл әкімі Б.Бекқожин 7000 теңге (туфли), «Теміржан» шаруа қожалығы Н.Теміржанов 7000 теңге (туфли), әкімшілік ұжымы 9000 теңге (спорттық костюм), «Шәкен» шаруа қожалығы Қ.Идрисов 7000 теңге (туфли), мектеп әкімшілігі 5000 теңгеге кеңсе тауарлары, мектеп директоры Н.Кисамиденова 5000 теңге (спорттық аяқ киім), «Ақтай» шаруа қожалығы Қ.Ақтаев 7000 теңге, ауыл молдасы М.Тулкин 20 000 теңге, ауылымыздың жеке меншік дүкен иелері Р.Байбатина «555»дүкені, Б.Оразаева «Анель» дүкендері 4000 теңге, ауылымыздың мәдениет үйі 4000 теңге көлемінде, жалпы сомасы 75 000 теңгеге көмек көрсетілді.

«Мектепке жол» акция негізінде 20 тамызда ауылымызда арзандатылған бағамен аудан орталығынан кәсіпкерлер өз саудаларын жүргізді. Жәрменкеде кеңсе тауарлары мен оқушыларға арналған киім кешектер сатылды.