100 кітап жобасы

02.11.2018

100 кітап жобасы аясында оқушылардың күзгі демалысында мектеп оқушылары жобамен таныстырылды. Елбасымыз Нұрсұлтан Назарбаев: «Адам баласының бүкіл ғұмырындағы ең сенімді және ең сабырлы серігі – кітап, – деп атап өткен болатын. Жобаның мақсаты – оқушыларға қазақ әдебиетінің, әлем классикасының алтын қорындағы аса құнды шығармаларды оқыту, сол туындылардың рухани маңыздылығын жеткізу. Бүгінгі таңда аталған тізімде 60 қазақ әдебиетінің, 40 әлем әдебиетінің классикасы, оның ішінде 20 – ағылшын, 20 – орыс әдебиеті қамтылған. Өскелең ұрпаққа қазақ әдебиетінің және әлем классикасының алтын қорындағы аса құнды шығармалар таныстырылды. Ертегілердің халық ауыз әдебиетіндегі рухани маңыздылығы жас жеткіншектерге түсіндірілді.

Май ауданының қасиетті жерлеріне саяхат

29.10.2018

Қазан жалпы орта білім беретін мектебінде күзгі демалыс жоспарына сәйкес оқушылар Май ауданының қасиетті жерлеріне атап айтқанда Ақшиман ауылының маңындағы Ақбалық Хазірет кесенесі мен Қайса атаның басына барып қайтты. Саяхат барысында Ақшиман негізгі мектебінің ұстаздары оқушыларға Қалмаққырылған тауы және Ордабай батыр жайлы көптеген мәліметтер берді. Саяхат барысында оқушылар Май ауданының қасиетті жерлерінің тарихымен танысып, жақсы әсер алып қайтты.

Ұлттық біліктілік тестілеу тапсырушыларға арналған семинар

27.10.2018

Қазан жалпы орта білім беретін мектебінде 2018 жылдың күзінде жеті педагог Ұлттық біліктілік тестілеу тапсыруға өтініш берді. 27 қазанда аттестатталушы мұғалімдерге арналған ҰБТ тапсыру ерекшеліктерімен таныстыру мақсатында семинар өткізілді. Семинар барысында тақырыптық бейнероликтер мен презентация көрсетіліп, оқу ісінің орынбасары С.Жаксымбетова ҚР Білім және ғылым министірлігінің 29.06.2018 жылдың №316 бұйрығымен таныстырды.

Бастауыш сыныптар арасындағы аудандық математикалық турнир

27.10.2018

Май аудандық білім беру бөлімінің ұйымдастыруымен 2018 жылдың 26 қазан күні Қазақстан негізгі орта мектебінде бастауыш сынып оқушылары арасында VI аудандық математикалық турнир өткізілді. Турнир қорытындысы бойынша Қазан орта мектебінің 3-сынып оқушысы Нұрмұханбет Ернұр – 2-орын, 2-сынып оқушысы Нұрлан Темірлан – 3-орын иеленді. 4-сынып оқушысы Нұртай Ислам алғыс хатпен марапатталды.

“Эко boom” жобасы

17.10.2018

17 қазан күні 1 – сынып оқушылары мен ата-аналары және сынып жетекшісі А.Е.Кайдарова облыстық “Эко boom” жобасына аясында мектеп жанында ағаштар отырғызды. Жобаның мақсаты – жас ұрпақтың қоршаған ортаға деген сүйіспеншілігін арттыра отырып, өз туған жеріне үлес қосуға тәрбиелеу.

«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» РЕСПУБЛИКАЛЫҚ АТА-АНАЛАР КОНФЕРЕНЦИЯСЫ (8-9 СЫНЫП АТА-АНАЛАРЫНА ПСИХОЛОГИЯЛЫҚ-ПЕДАГОГИКАЛЫҚ КӨМЕК)

14.10.2018

14 қыркүйек күні Қазан жалпы орта білім беретін мектебінде психолог Магнұрова Мөлдір Ақылбекқызы 8-9 сынып ата – аналарына «XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» (8-9 сынып ата-аналарына психологиялық-педагогикалық көмек) тақырыбындағы Республикалық ата – аналар конференциясын өткізді.
Мектеп психологы ата-аналарға бала тәрбиесіне байланысты, баланың ақпараттық қауіпсіздігін қамтамасыз етуге жауапкершілікпен қарау, баланың Интернетті пайдалануын өз бақылауына қою , балада интернет-тәуелділік қалыптасуының алдын алу, интернеттің қауіпті түрлері (тыйым салынған зиянды тақырып сайттары) туралы құнды кеңестер берді.

«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» РЕСПУБЛИКАЛЫҚ АТА-АНАЛАР КОНФЕРЕНЦИЯСЫ (БАШТАУЫШ МЕКТЕП, 2-3-4 СЫНЫП АТА-АНАЛАРЫНА ПСИХОЛОГИЯЛЫҚ-ПЕДАГОГИКАЛЫҚ КӨМЕК)

13.10.2018

13 қыркүйек күні Қазан жалпы орта білім беретін мектебінде психолог Магнұрова Мөлдір Ақылбекқызы 2-3-4 сынып ата – аналарына «XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» (бастауыш мектеп ата-аналарына психологиялық-педагогикалық көмек) тақырыбындағы Республикалық ата – аналар конференциясын өткізді.

“Алтын күз” мерекесі

12.10.2018

Бүгін «Гүлдер» шағын орталығында бөбектердің қатысуымен «Алтын күз» мерекесі аталып өтті. Шараға тәрбиешілер мен балғындар қатысты. Шараны ұйымдастырудағы мақсатымыз балаларға жақсы көңіл күй сыйлау мен қызығушылықтарын арттыру болды.
Аталмыш мерекелік концертке бөбектер жоғары дайындықпен келген. Ең бірінші жүргізушілер мерекелік шараны ашып, ортаға бір топ бөбектерді шығарып, күзге арналған көріністерін қойды. Бірі ән салып, би билесе, енді қалғандары ойын ойнап, сәнді киімдер шеруіне қатысып, мерекенің көркін аша түсті.

Қамқоршылық кеңесінің №4 хаттамасы

04.10.2018

Қазан жалпы орта білім беретін мектеп бойынша қамқоршылық кеңесінің жұмысы өтті. Оқушылардың ыстық тамақпен қамтамасыз ету, 1-4 сынып оқушыларын тегін ыстық тамақпен қамту туралы сұрақ қаралды және т.б сұрақтар қарастырылды.

«ЖЫЛДЫҢ ҮЗДІК ПСИХОЛОГІ» РЕСПУБЛИКАЛЫҚ КОНКУРСЫНЫҢ ОБЛЫСТЫҚ КЕЗЕҢІ

03.10.2018

2018 жылғы 2 қазанда Білім беруді дамытудың инновациялық орталығы «Жылдың үздік психологі» республикалық конкурсының облыстық кезеңін өткізді. Конкурс талантты психологтерді анықтау және қолдау, олардың одан әрі кәсіби дамуы және шығармашылық тұрғыдан өсуіне ықпал ету мақсатында өткізіледі. Іріктеу турының қорытындысы бойынша облыстық кезеңге 33 психолог өтті, оның ішінде Павлодар қ. – 4, Ақсу қ. – 3, Екібастұз қ. – 3, аудандардан – 23.
Конкурстың қазылар алқасы психологтердің кәсіби шеберлігін, психологиялық-педагогикалық қызмет саласында өзін-өзі таныта білу қабілетін көрсету және білім беру процесінде психологиялық міндеттерді жобалау мен шешу іскерліктерін, психолог мамандығы туралы, өзінің кәсіптік көзқарасы туралы стандарттан тыс ойларын баяндайтын эссе жазу біліктіліктерін бағалады.
Конкурс қорытындысы бойынша Қазан жалпы орта білім беретін мектебінің психологі Магнұрова Мөлдір Ақылбекқызы І орын иеленді.
Республикалық конкурс 2018 жылғы 11-13 қараша күндері Алматы қаласында өтеді.
Мөлдір Ақылбекқызына сәттілік пен шығармашылық табыс тілейміз!

“Мектептегі ыстық тамақтың ұйымдастырылуы” тақырыбындағы ата-аналар жиналысы

27.09.2018

Қазан жалпы орта білім беретін мектебі бойынша 64 оқушы, оқушылардың ыстық тамақпен қамтылуы 100%. Осы мақсатта “Мектептегі ыстық тамақтың ұйымдастырылуы” тақырыбындағы  ата-аналар жиналысы өткізілді.

 

«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» РЕСПУБЛИКАЛЫҚ АТА-АНАЛАР КОНФЕРЕНЦИЯСЫ (КІШІ ЖАСТАҒЫ ЖАСӨСПІРІМДЕР, 5-6-7 СЫНЫП АТА-АНАЛАРЫНА ПСИХОЛОГИЯЛЫҚ КӨМЕК)

22.09.2018

Қазақстан Республикасының Президенті, Ұлт лидері Назарбаев Н.Ә өз сөзінде: «Өскелең қазақстандықтардың позитивті жасампаз дүниетанымға, жауапкершілік сезіміне, мықты адами қасиетке ие, саналы таңдау жасап, дербес шешім қабылдай алатын, Отанның игілігін ойлайтын жан-жақты тұлға ретінде тәрбиеленген азаматтар болуы қажет» деп , бірнеше рет атап айтқан болатын.
Бұл міндеттің ойдағыдай шешімі табылуы үшін мектеп пен отбасы арасындағы өзара сыйластық пен сенімнің негізінде 22 қыркүйек күні Қазан жалпы орта білім беретін мектебінде психолог Магнұрова М. А 5-6-7 сынып ата – аналарына «XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» (кіші жастағы жасөспірімдер, 5-6-7 сынып ата-аналарына психологиялық көмек) тақырыбындағы Республикалық ата – аналар конференциясын өткізді.

Кәсіби бағдар беру –мамандық таңдаудың кепілі

17.09.2018

Әлемдік білім беру кеңістігіне бағытталған білім берудің негізгі мақсаты білімді меңгеріп қана қоймай, білік пен дағды арқылы дербестік, ізденімпаздық, дені сау, өзгермелі жағдайда білімді де білікті жасөспірімдерді жан – жақты жеке тұлға ретінде даярлау. Осы орайда мектеп оқушылары арасында кәсіби бағдар беру жұмысы үлкен рөл атқарады.
Кәсіби бағдар беру — жас ұрпақты өзіне ұнаған тиісті мамандықты саналы тандап алуға дайындауға бағытталған іс-әрекеті. Кәсіби бағдар беру арқылы оқушыларды мамандықтар әлемінде, олардың мазмұны, ерекшеліктері, жеке тұлғаға қоятын талаптарын өз бойындағы қасиеттерімен ұштастырып, өндіріс, шаруашылық салаларының даму міндеттеріне, оның нарықтық экономика жағдайындағы рөліне сай саналы таңдалып алынған мамандыққа мүдделілігін тәрбиелеуді қажет етеді. Оқушыларды саналы түрде мамандық таңдауға дайындау, үйрету мақсатымен Қазан жалпы орта білім беретін мектебінде 9-10 сыныптар арасында ақпараттандыру жұмысы жүргізілді. Мектеп психологі М. Магнұрова оқушылар арасында «Мен таңдаған жол» тренингін арқылы жағымды психологиялық ахуал туғызды.
Мектеп директорының оқу ісі жөніндегі орынбасары С. Жаксымбетова оқушыларға Ұлттық бірыңғай тестілеу немесе кешенді тестілеудің бейіндік пәндері көрсетілген мамандықтар тізбесімен, Павлодар қаласындағы жоғары оқу орындарының сайттарына кіріп, факультеттерімен таныстырып өтті.
Кәсіптік бағдар беру жұмысының соңында оқушыларға қоғамға қажетті мамандық түрлері туралы бейнефильм көрсетіліп, мамандық таңдау бойынша кеңестер берілді.

Қорытынды аттестаттау мен ҰБТ-ге нұсқаулық

17.09.2018

Май ауданы білім беру бөлімінің сайтында түлектерге Қорытынды аттестаттауға және ҰБТ -ға нұсқаулық бойынша жарияланған мақаласына сәйкес Қазан жалпы орта білім беретін мектебінде оқушылар мен ата-аналар арасында мектеп бітіруші түлектерді Қорытынды аттестаттау және ҰБТ –дан сапалы нәтижеге жету үшін ұйымдастырылатын дайындық шаралары жөнінде түсіндірме жұмыстары жүргізілді.
«Мәжбүрлі түрде» ақылы тестілеуді болдырмау фактілерін негізге алып, түлектердің дайындығы бойынша тестілеу тегін түрде жүргізіледі. «ҰБТ-5+» бағдарламасы, «BILIMLAND» онлайн түрдегі білім беру ресурсының «Itest» бағдарламасы арқылы әр пәннен тақырыптық тесттері, сонымен қатар білім беру бөлімі құрастырған жаңа форматтағы тестілеу базасын қолданып оқушылар тестілеу жұмыстарын орындай алады.
Тесттер орындау үшін төмендегі сілтеме арқылы өте аласыз :
– https://itest.kz/ru сілтеме арқылы
– Май ауданы білім беру бөлімінің жаңа форматтағы сайты :
– Оқу сауаттылығы https://onlinetestpad.com/t/39e8b470c57d4fd38fce007446022ec9
– Математикалық сауаттылық https://onlinetestpad.com/t/ef107c72d0fe41ccbd80a88145b1373b
– Қазақстан тарихы
https://onlinetestpad.com/t/ac0306338c574e8d870be408993b9a07
– Математика
https://onlinetestpad.com/t/859104585c76458f8ab1faec6e8a849a
– Биология_каз
https://onlinetestpad.com/t/3b0d42bea94e4126a76a9517a1036641
– Химия_каз
https://onlinetestpad.com/t/afd51ab9a32846319d9f11621814060c
– Адам.Қоғам. Құқық
https://onlinetestpad.com/t/ccabd750821e41749f2f334862ff9944
– Дүниежүзі тарихы
https://onlinetestpad.com/t/5c1df6a959234ca189a24861f4aa5882
– Ағылшын тілі
– https://onlinetestpad.com/t/fc8b07c7061d445581d83874f9fbdfd2
– Физика
https://onlinetestpad.com/t/93a32eb4de3e4a27a1f0ef0d18376a40
– География
https://onlinetestpad.com/t/b66c9e1780d348409228045d18370160
– Қазақ әдебиеті
https://onlinetestpad.com/t/40c141c310a040f2925ef3563bc8aefc

«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» РЕСПУБЛИКАЛЫҚ АТА-АНАЛАР КОНФЕРЕНЦИЯСЫ

09.09.2018

Қазақстан Республикасының Президенті, Ұлт лидері Назарбаев Н.Ә өз сөзінде: «Өскелең қазақстандықтардың позитивті жасампаз дүниетанымға, жауапкершілік сезіміне, мықты адами қасиетке ие, саналы таңдау жасап, дербес шешім қабылдай алатын, Отанның игілігін ойлайтын жан-жақты тұлға ретінде тәрбиеленген азаматтар болуы қажет» деп , бірнеше рет атап айтқан болатын.
Бұл міндеттің ойдағыдай шешімі табылуы үшін мектеп пен отбасы арасындағы өзара сыйластық пен сенімнің негізінде 8-9 қыркүйек күндері Қазан жалпы орта білім беретін мектебінде психолог Магнұрова М. А 1-ші және 10- сынып ата – аналарына «XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» тақырыбындағы Республикалық ата – аналар конференциясын өткізді.
Конференция барысында «Неліктен балада қиындықтар туындауы мүмкін?», «Ата – аналарға кеңестер», «Бірінші сынып оқушысы ата – аналарының « Үш «Б» заңы », «Қазақстан Республикасының орта білім беру реформасының аясында білім берудің артықшылығы» атты сұрақтары талқыланып, тақырыптық видеороликтар көрсетілді. Ата – аналар «Сөздер» жаттығуын орындап, ақпараттық кітапшалармен танысып, өздерін толғандыратын сұрақтарын қойды.

“Салауатты сандарға жет!” ұранымен “Денсаулық фестивалі-2018”

08.09.2018

Қазан жалпы орта білім беретін мектебі бойынша 8 -қыркүйек 2018 жылы “Салауатты сандарға жет!” ұранымен “Денсаулық фестивалі-2018” өткізілді. Фестиваль аясында меткеп оқушылары топқа бөлініп, жалпы мектепішілік жиында топ аты мен ұрандарын тапсырды. Фестиваль табиғат аясында түрлі спорттық іс-шаралардың өткізілуімен жалғастырылды. Спорттық іс-шаралардың жеңімпаздары марапатталды.

Парақ 5-ші ден 23-ге дейін« Бірінші...34567...1020...Соңғы »