ҚАУІПҚА НАЗАР АУДАРЫНЫЗ!!!

01.04.2019

Біраз мерзімнен соң мектепте демалыс басталады. Балаларда бос уақыт пайда боладыі. Электр  құралдарын пайдалану кезінде Қауіпсіздік техникасын сақтау ережелерін және  басқа да САҚТАЛУҒА тиісті қарапайым мәселелерді  білу балалардың қауіпсіздігін қамтамасыз етеді және жарақаттар мен жазайым оқиғалардын алдын алады.

Қауіпсіздік ережелерін  сақтамау салдарынан ауыр зардаптарға – балалардың қаза болуына және зардап шегуіне  әкеліп соққан бірнеше қайғылы оқиғаларды мысалға келтірейік:

– 2001-2002 жылдары  Павлодар облысында электр тогы соғу салдарынан бес бала қайтыс болды. Барлық жағдайлар балалар трансформатор подстанцияларының бөлмесіне кірген немесе электр тасымалдағыштар желісінің тіреуіне шыққан кезде болған;

– 2014 жыл Баянауыл ауылы. 7 жастағы ұл бала достарымен тығылмақ ойнап жүріп, трансформатор дүңгіршегінің (КТП) төбесіне шығып, кернеуі 10 кВ токөткізгіш шинаны қолымен ұстаған. Нәтижесінде, бала денесінің 15%-н күйік шалып, сол қолы ампутацияланды;

– 2015 жыл, Маңғыстау облысының Бейнеу ауылы. 11 жастағы ұл бала ойнап жүріп, трансформатор қоршауының ішіне кірген. Ток өткізгіш элементтерге жанасқанда, оны ток соқты.  Нәтижесінде, баланың екі қолын  бірдей ампутациялауға тура келген;

– 2018 жыл. қыркүйек Жаңаауыл а. 12 және 14 жастағы ұл балалар спорт алаңында ойнаған кезде қоршауға шығып жаланаш токөткізгіш элементерге тиді. Нәтижесінде балалар қайтыс болды.

Сонымен үзілді-кесілді:

  • Трансформатор және ток бөлетін подстанцияларға өте жақын келуге және жанасуға, ішіне енуге және төбесіне шығуға болмайды;
  • Электр тасымалдағыш кәбілдердің және әуе желілерінің жерде жатқан және үзілген жалаңаш сымдарына жақындауға және ұстауға болмайды;
  • Бойында электр тогы жүріп жатқан жалаңаш сымдарға жанасуға болмайды;
  • Құралдарда немесе сымдарда электр тогының бар-жоғын білу үшін саусақпен тексеруге болмайды;
  • Сым оқшаулағыштарға зиян келтірмеу және қысқа тұйықталуды (от шығу) болдырмау үшін оларды есікпен, терезе жақтауларымен қыстыруға, шегелерге бекітуге болмайды;
  • Электр өткізгіштер жылу батареяларына, су құбырларына, телефон және радиотрансляция сымдарына жанаспауын бақылап отыру қажет;
  • Балалардың розеткалардың жанында ойнауларына, оған шпилькалар мен түйреуіштер тығуына, сымдарды ұстауына жол бермеу керек, өйткені бұл ток соғуына әкеліп соғады;
  • Сулы қолмен электр лампочкаларын, тұрмыстық приборларды жағу немесе сөндіру қауіпті. Жанып кеткен лампочкаларды ажыратқышты сөндіріп қойып ауыстыру қажет;
  • Корпустарының бойымен ток жүріп тұрған тұрмыстық электр құралдарды («тістейтін» прибор) пайдалануға үзілді-кесілді тыйым салынады. Құралдарды қосқан және ажыратқан кезде штепсель айырын сымнан емес пластмасса колодкасынан ұстау қажет;
  • Су қайнататын, ас пісіретін (электр шәйнектер, кәстрөлдер) приборларды желіге құрғақтай қосуға болмайды. Олардың кем дегенде үштен бір бөлігін сумен толтыру керек. Шәйнекке немесе кәстрөлге су құйғанда, олар міндетті түрде токтан ажыратулы болуы қажет;
  • Сондай-ақ, приборлардан ажыратылған шнурлар да штепсельді розеткадан ажыратулы болуға тиісті, себебі, оған байқамай жанасқан кезде ток соғуы мүмкін;
  • Кез келген тұрмыстық электр құралдарды бір қолмен, мүмкін болса, оң қолмен, және сол кезде су жүретін, газ және жылу құбырларына жанаспай қосу немесе ажырату қажет.
  • Өрт шығуын болдырмау үшін, тұрмыстық электр приборларын арнайы тұғырларға (керамикалық, металл, немесе асбестен жасалған) және жылдам жанатын заттардан (перде портьер, дастархан) қауіпсіз қашық жерге орнату қажет.

Осыны балаларыңызға түсіндіріңіз, оларға қарапайым Ережелерді ұқтыру үшін уақытты Бүгін табыңыз, өйткені Ертең кеш болуы мүмкін.

 

 

ҚР ЭМ Атом және энергетикалық қадағалау мен бақылау комитетінің Павлодар облысы бойынша аумақтық департаменті.

2019 жыл-жастар жылы

22.01.2019

Жаңа 2019 жыл қазақстандықтар үшін ерекше жыл, өйткені Елбасымыз Н.Ә. Назарбаевтың өткен жылғы 5 қазандағы Жолдауында оны – Жастар жылы деп жариялаған болатын. Президент жастардың бүгіні мен болашағына қамқорлық жасауды өз саясатының негізгі мәні деп санайды. Ол жыл сайынғы дәстүрлі Жолдауларында жастар саясатын жетілдіру бойынша іргелі тапсырмалар беріп жүргені белгілі, өйткені жастар қоғамның бір бөлігі ретінде мемлекетте маңызды рөл атқарады. Жастарды жұмыспен қамту мәселесі елімізде басты назардағы мәселе екені белгілі. Осы проблеманы жою үшін елімізде «Дипломмен ауылға», «Бизнестің жол картасы», «Жұмыспен қамту-2020», «Әрбір отбасына «7-20-25» бағдарламасы аясында баспана алудың жаңа мүмкіндіктерін беру», «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту», т.б. бағдарламалар қолға алынып, еліміздің түкпір-түкпірінде жүзеге асырылып жатыр.

Тимуршылар сөзбен емес, ісімен көрінеді!

21.01.2019

Қазан жалпы  орта білім беретін  мектебінде  тимуршылар тобы  жұмыс істейді.  Жұмыс барысында тимуршылар қолқабысқа мұқтаж қарт адамдарға қажетті көмек көрсетіп отырады.Өз жұмыстарында балалар тек қана шаруашылыққа ғана қол ұшын беріп қоймайды.  Балалар тимуршылардың «Бөтен қайғы болмайды» ұранын бетке ұстайды. Біздің бұл командамыз өз жұмысын 5- сыныптан бастады, биылғы жылы команда құрамы толық жаңартылып, 9- сынып оқушылары орнын басты. Осы уақыт ішінде тимуршылар көп еңбек атқарып үлгерді.  Сонымен қоса көмек көрсетіліп отырды: мерекеге байланысты құттықтау, ардагерлермен кездесулер ұйымдастырылады.Осындай кездесулер оқушылар үшін орасан зор тәрбиелік мәні бар және олардың азамат болып қалыптасуына көмектеседі, өмірде өз орындарын табуына бағыт береді. Тимуршылар қозғалысы қазіргі уақытта өте қажет, себебі қарт адамдарға тек қана көмек  қажет емес, сонымен қоса жақсы қарым-қатынас, ескеру. Егер тимуршылар қажет болса, көмектесуге әрқашан дайын!

Оқушылардың ыстық тамақпен қамтылуы

17.01.2019

“Оқушылардың ыстық тамақпен қамтылуы” мақсатында мектеп асханасына тексеріс жүргізілді. Оқушылардың ыстық тамағы, ас мәзірі тексеріске алынады. Қорытындысында оқушылармен сұхбат жүргізілді.

Қамқоршылық кеңесінің №1 хаттамасы

08.01.2019

Қазан жалпы орта білім беретін мектеп бойынша қамқоршылық кеңесінің жұмысы өтті. Оқушылардың ыстық тамақпен қамтамасыз етілуі туралы сұрақ қаралды.

МЕКТЕП ЖАНЫНДАҒЫ ШАҒЫН ОРТАЛЫҚТАҒЫ ЖАҢА ЖЫЛДЫҚ ЕРТЕҢГІЛІК

27.12.2018

26 желтоқсан күні мектеп жанындағы шағын орталықта Жаңа Жылдық ертеңгілік болып өтті. Бұл ертеңгілікке Аяз Ата мен Ақшақар жəне ертегі кейіпкерлері келіп бүлдіршіндерді құттықтады. Ертегі кейіпкерлері мен Аяз Ата, Ақшақар алдында балақайлар тақпақтарын айтты. Жаңа Жыл мерекесі құрметіне əсем безендірілген шыршаны айналып балалар əн шырқап, би биледі. Мерекелік ертеңгілік аяқталар сəтте əр бүлдіршінге арналып мерекелік сыйлықтар таратылды.

 

“Жасөспірімдер арасында есірткі тұтыну проблемалары”

19.12.2018

Қазан жалпы орта білім беретін мектепте ата-аналарға және оқушыларға арналған “Жасөспірімдер арасында есірткі тұтыну проблемалары” атты дәріс өткізілді. Мақсаты ата-аналармен оқушыларға есірткілер туралы толық мәлімет беру, адам денсаулығына қандай зиян келтіреді екенін жеткізу, иммундық жүйе әлсірейді.Сонымен қатар есірткі қалай таратылады, ата-анамен бала арасындағы нашақорлық жөнінде қарым-қатынасты қалай қою керек екенің түсіндіру.

«Тәуелсіз елдің –ұландарымыз!»

15.12.2018

Тәуелсіздік күні қарсаңында Қазан жалпы орта білім беретін мектебінде «Жас Ұлан» және «Жас Қыран» бірыңғай балалар мен жасөспірімдер ұйымы Республикалық қоғамдық бірлестігі қатарына салтанатты қабылдау рәсімі өтті.«Қазақстан! Нұрсұлтан! Жас ұлан!» деп ұрандаған, жүрегінде жалыны бар белсенді оқушылар «Жас Ұландар» мен «Жас Қырандар» құрамына мүшелікке қабылданды. «Жас Ұлан» ұйымының мақсаты – өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру.«Жас Ұлан» ұйымының міндеттері Қазақстан халқының тілін, мәдениетін, тарихын білу негізінде өскелең жас ұрпақтың бойында рухани-адамгершілік әлеуетті қалыптастыру, балалар мен жасөспірімдердің азаматтық белсенділігі мен саналылығын арттыру, танымдық жұмыстарды ынталандыру, балалар мен жасөспірімдердің зияткерлік, шығармашылық және әлеуметтік дамуы үшін қолайлы жағдай жасау, жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту болып табылады. «Жас Қыран», «Жас Ұлан» ұйымына қабылданушыларға төсбелгісі және галстуктерді табыстау рәсімін мектеп директоры Сабирова Гульнар Жумагалиевна және мектеп ұстаздары тақты. Тәуелсіз еліміздің білімді азаматтары болып, ұрпақтарымыз қырандай күшті, ұлтжанды, әрқашанда биік шыңдардан көрінсін. Көк байрағымыз көгімізде желбірей берсін!

 

Тәуелсіздік күніне арналған мерекелік іс-шара

14.12.2018

Қазан жалпы орта білім беретін мектеп жанындағы шағын орталықта Тәуелсіздік күніне арналған мерекелік іс-шара өтті. Бүлдіршіндерімізді Өз еліміздің тілін, тарихын, салт – дәстүрін, әдебиетін қадір тұтып, көгілдір туымызды құрметтеу. Қазақ елімізді әлем-дік деңгейге жеткізу – жас ұрпақтың қолында екенін, өз Еліне, өз Отанына, туған жеріне деген сүйіспеншілік, патриоттық сезіміне тәрбиелеу.

 

АСЫҚ АТУДАН МЕКТЕПІШІЛІК ТУРНИР

14.12.2018

Асық ойыны – әр өлкеде әртүрлі ерекшеліктерін сақ­тай отырып дамыған ұлттық ойындардың ішінде аса танымалы және қазақ халқы­ның дәстүрлі ұлттық ойын­дарының ең қызықты әрі өте кең тараған түрі. Бұл ойын мазмұны жағынан ұтыс ойыны тобына жатады. Асық ату балалардың мергендігін арттырады, дәлдікке, есепке үйретеді. Ғасырлар бойы халықтың зердесінде сақталып келген осы бір ойынды өскелең ұр­пақты тәрбиелеудің құралы ретінде пайдалану мақсатында, мектебімізде, «Рухани жаңғыру» бағдарламасы аясында   асық атудан мектепшілік турнир өтті.

Шаңырақ жобасы

11.12.2018

Қазан жалпы орта білім беретін мектепте «көркем еңбек» сабағында 7сынып оқушылары « Шаңырақ жобасын » іске асыру мақсатында оқушыларды бауырмалдыққа, ұйымшылдыққа дағдыландыру, өзіне деген жауапкершілікті сезіндіру, топпен шешім қабылдауға баулу.

Код сағаты

05.12.2018

Қазан жалпы орта білім беретін мектепте «Код сағаты» акциясы өтті. Мақсаты: Ақпараттық технологиялар мен программалау ісін барлығы да меңгере алатындығымызға, әр жас жеткіншек немесе тіпті жасы келген адам да өзін программа құрастырушы ретінде сезінуіне және идеясын нөлден бастап жүзеге асыра алуына сенім ұялатып, бүгінгі ең озық технологияны өзі жасауына ынталандыру.

 

«Елін сүйген, Елі сүйген – Елбасы!» мерекелік концерт

30.11.2018

Қазан жалпы орта білім беретін мектепте тұнғыш Президент күніне орай «Елін сүйген, Елі сүйген – Елбасы!» атты мерекелік концерт 30 қараша айының 2018 жылғы өтті. Жас ұрпақты Елімізге, Елбасына, Өз Отанына деген құрмет, сүйіспеншілік, патриоттық сезімін тәрбилеу.


30.11.2018

30 қараша күні 8-10 сынып оқушыларының қатысуымен СПИД-ке қарсы күрес күнін атап өту мақсатында «СПИД – ғасыр дерті» тақырыбында іс-шаралар өтті.

Шара барысында оқушылар ЖҚБТ туралы статистикалық мәліметтер бойынша слайд, бейнеролик көрсетілді, көрнекілік құралдар таратылды, мағыналы кеңестер берілді. Оқушыларға қарастырылып отырылған мәселеге байланысты әр түрлі сұрақтар қойып, шараға белсенді ат салысты.

   

«Ал Сен агрессияңды қалай жеңесің?», «Өмір сүру» бейнероликтерінің көрсетілімін ұйымдастыру

28.11.2018

Қазан жалпы орта білім беретін мектебінде мектеп психологы М.Магнұрова 2018 жылдың 26-27 қарашасында 8-11 сынып оқушыларымен «Ал Сен агрессияңды қалай жеңесің?», «Өмір сүру» бейнероликтерінің көрсетілімін ұйымдастырды. ҚР Білім Министрлігінің қолдауымен “Bilim Foundation” ҚҚ ұсынған адамгершілік-рухани құндылықтарды қалыптастыруға және оқушылардың аутодеструктивті мен девиантты мінез-құлқын алдын алуға бағытталған екі бейнеролигі көрсетілді. Осы бейнероликтердің тиімділігі жасөспірімдік агрессияны екскертуге және өмірлік қиын жағдайларды жеңуге бағытталған алдын алу шаралары ретінде ұсынылады. Әрбір роликтің көрсетілімін оқушылардың қысқаша эссе жазуымен сүйемелденді.

«Менің Туым» облыстық жоба

27.11.2018

«Менің Туым» облыстық жобасы негізінде бастауыш сынып оқушылары Қазақстан Республикасының туын салып, бояды.«Рухани жанғыру» бағдарламасы аясында “Менің Туым” жобасы бойынша балалар мен жастарды азаматтық-патриоттық бағыттағы әлеуметтік маңызды іс-шараларға тарту. Қазақстандық патриотизмді қалыптастыру, мемлекеттік рәміздерге аса құрметпен намыспен қарау.
Аталмыш жоба азаматтардың патриоттық құндылықтарын қалыптастыру, Қазақстан Республикасының мемлекеттік рәміздеріне құрметпен қарау, халқымыздың дәстүрлері мен еліміздің өткен тарих мұраларымызды құрметтеу, жас ұрпақтың белсенді азаматтық ұстанымдарын қалыптастырып, патриоттық рухты күшейту мақсатында өткізілді.