«Эко Воом» жобасы

27.11.2018

Қазан жалпы орта білім беретін мектебінде жалпы 64 оқушы бар. Осы жобаға барлық оқушылар жаппай қатысып, белсенділік танытты. Сондай – ақ «Эко Воом» жобасы аясында «Энергия және су болашақ үшін» акциясы өтті. Акция аясында 5-10 сынып оқушылары суреттер көрмесін ұйымдастырды.

«Family day» жобасы

24.11.2018

Қазан жалпы орта білім беретін мектебінде «Family day»  облыстық жобасы жұмысы жүргізілуде. Жоба мақсаты: ата- анамен баланың арасындағы ізгі қарым- қатынастың орнауына , отбасы құндылықтарын , салт- дәстүрлерін  сақтауға үйрету.Жоба барысында мектеп оқушылары мен ата- аналар жаппай қатысып, отбасылық сайыста аналар отбасылық  бәліштің  жасалу жолдарын көрсетіп, тәтті тағамдардан  дәм татқызды. Ата -аналар белсенділіктерін танытып, ризашылықтарын білдірді.

“Мен және менің құқығым” ІІБ қызметкерімен кездесу сағаты

21.11.2018

12-23 қараша аралығында Қазан жалпы орта білім беретін мектебі бойынша “Зорлық-зомбылықсыз балалық шақ” атты республикалық акция шеңберінде “Мен және менің құқығым” тақырыбында ІІБ қызметкері Д.Рахманбергеновпен кездесу өткізілді.
Мақсаты: оқушылардың арасында құқық бұзушылықтың алдын алу және зорлық-зомбылыққа жол бермеу.

Кездесу жоспарға сай баяндама және сұрақ-жауаппен жалғастырылды,5-10 сынып оқушылары 100% қатысты.

«Болашақ біздің қолымызда» атты IX облыстық”Жас ұлан” балалар және жасөспірімдер ұйымдарының құрылтайы

19.11.2018

17-18 қараша аралығында Балдәурен оқу – сауықтыру орталығында «Болашақ біздің қолымызда» атты ІХ облыстық «Жас Ұлан» балалар және жасөспірімдер ұйымдарының құрылтайы өткізілді. Құрылтайға соңғы екі жылдың қорытындысы шығарылып, алдағы екі жылға жоспар құрастырылды. Құрылтайға Ақтоғай, Тереңкөл, Аққулы, Баянауыл, Железин,Май ,Ертіс, Шарбақты,Успен, Павлодар қалалары белсенді қатысып, жүлделі орындарға ие болды. Төмендегідей номинациялар бойынша: «Туған жер» көрмесі бойынша 3 орын – Май ауданы Қазан орта мектебі және Черноярка ауданы иеленді. 2 орын- Баянауыл ауданы, 1орын- Екібастұз қаласы.Әр ауданнан келген делегаттар облыстық білім беру басқармасынын мадақтама қағаздерымен марапатталды.


5-сыныптың орта буынға бейімделуі тақырыбындағы педагогикалық консилиум

17.11.2018

16 қарашада «Қазан жалпы орта білім беретін мектеп» мемлекеттік мекемесінде  5-сыныптың орта буынға бейімделуі тақырыбындағы педагогикалық консилиум өтті.  Мақсаты: 5-сынып оқушыларының орта буынға бейімделуін қамтамасыз ету мәселелерін шешу, әрбір жеке тұлғаның қабілеттеріне сәйкес оның сұраныстарын қанағаттандыратын үздіксіз білім берудің тұтас жүйесін құруға мүмкіндік беру және психологиялық жағынан зерттеу. Консилиумге мектеп директоры, оқу ісінің меңгерушісі, пән мұғалімдері және сынып жетекшісі қатысты.

Жаратылыстану пәндері – ғажайыптар әлемі

16.11.2018

Оқушылардың танымдық қабілетін, зейінің, пәнге деген ынтасы мен қызығушылығын және ұқыптылығын дамыту – мектептегі жаратылыстану пәндерді оқытудың ең негізгі міндеттері болып табылады.
Қараша айының 12 – 16 аралығында мектепте математика, физика, химия, биология, жаратылыстану, информатика апталығы өтті. Апталық барысында пән мұғалімдері жаңартылған оқу бағдарламасына сәйкес ашық сабақтар беріліп, сыныптан тыс іс-шаралар өткізілді.
Математика пәнінің мұғалімі Курмашева Майра Жумагалиевна 5–сыныппен «Дұрыс жәнен бұрыс бөлшектер» тақырыбына бекіту сабағын өткізді. Сабақ барысында оқушылармен түрлі деңгейдегі есептер шығарылып, топпен жұмыстар жүргізілді. Сабаққа оқушылар белсене қатысты.
8 – сынып оқушыларымен физика пәнінен «Отын энергиясы. Отынның меншікті жану жылуы» тақырыбына пән мұғалімі Ережепова Асылзат Ерганатовна ағылшын тілі кіріктірілген ашық сабақ өткізді. Жаңа сабақ болғандықтан оқушылар тақырыпты CLIL курсындағы бағдарламаға сәйкес оқулық негізінде постерге түсіріп, формуланы ағылшын тілінде айтуға тырысты. Сонымен қатар, оқушылардың ойлау қабілетін жетілдіру мақсатында түрлі логикалық тапсырмалар орындалып, есептер ағылшын тілінде шығарылды.
Сондай-ақ пән мұғалімі сабақтан тыс «Физикалық брэйн-ринг» атты іс-шара ұйымдастырды. Шараға 7,8,9 – сынып оқушылары қатысты. Оқушыларға физика пәнінен бағдарлама бойынша логикалық есеп, тәжірибе жасау, құралдарды атап, қызметін түсіндіру сияқты қызықты әрі, танымды сұрақтар қойылып , оқушылардың пәнге деген қызығушылығы артты. Сайыс бойынша 7-сынып оқушылары бәрінен де озып шықты.
Жаратылыстану пәнінің мұғалімі Касыбаева Жібек Жумагалиевна «Қызықты география әлемінде» атты сыныптан тыс іс-шара өткізді. 7 – 8 сынып оқушылары қатысты. Сайыс 8 бөлімнен тұрды. Оқушылар өзара 2 топ арасында жарысқа түсті. Түрлі қызықты оқушыларды таңқалдыратын сұрақтар қойылды, картамен жұмыс жасалды. Жеңіс тізгіні 8-сынып оқушыларына бұйырды. Сонымен қатар пән мұғалімі 7-сынып оқушыларымен «Атмосфераның құрылымы мен қабаттарының ерекшеліктері» тақырыбында ашық сабақ өткізді. Оқушылар тақырыпты топта талдап,тақтада қорғады. Түрлі деңгейдегі тапсырмалар орындады. Ашық сабаққа кірген мұғалімдер оң бағасын берді.
Химия пәнінен пән мұғалімі Омаров Балғабай Сатыбалдинович 9-сыныпта «Сілтілердің қасиеттері» тақырыбына ашық сабақ берді. Мұғалім мен оқушылар демонстрациялық тәжірибелер көрсетіп, реакциялар жүргізді. Сонынмен қатар, сабақтан тыс 7-9 сынып оқушылары арасында іс-шара өткізілді. Оқушылар топқа бөлініп, әр сыныптың оқушылары аралас отырды.
Химия, биологияға пәндерінен логикалық сұрақтар, тіршілік иелеріне байланысты түрлі сауалдар қойылып топтардан жауаптар алынды. Сайыс барысында 8-сынып оқушылары Құлтай Нұрай, Сулейменов Еділ, Муханова Айгерім, Қалайбеков Дарын тартымды жауаптарымен көзге түсті.
Информатика пәні мұғалімі Нажмиденов Ардак Берикбаевич 5-сынып оқушыларымен роботоехника факкультативтік курсынан жарыс сабаған өткізді. Оқушылар өзара және топпен дайын бағдарламалар бойынша роботтар құрастырып, жобаларын қорғады. Ерекше белсенді оқушылар қатарынан Қуандық Әмірбек, Озеруга Сергей, Серікқали Сержан, Мейрамбек Ержан, Жанат Мөлдір көрінді.
Аптаның соңында жаратылыстану – математика бағытындағы пән мұғалімдерінің шешімімен, белсене қатысқан оқушылар мақтау қағаздары мен түрлі сыйлықтар беріп, марапатталды. Сонымен қатар мектеп әкімшілігі және жаратылыстану пәнінің әдістемелік жетекшісі Курмашева Майра Жумагалиевнаның шешімімен «Ең үздік ашық сабақ»номинациясы химия-биология пәні мұғалімі Омаров Балғабай Сатыбалдинович және «Ең үздік іс-шара» номинациясы физика пәні мұғалімі Ережепова Асылзат Ерганатовна иеленді.

« Тәуелсіздік символы – ұлттық валюта» атты тәрбие сағаты

14.11.2018

Қазан жалпы орта білім беретін мектебінде аға тәлімгер Г.Серикбаеваның ұйымдастыруымен « Тәуелсіздік символы – ұлттық валюта» атты тәрбие сағаты өткізілді. Іс-шараның мақсаты: оқушылардың өз мемлекетіне деген сүйіспеншілігін арттыру, теңгенің шығу тарихымен таныстыру.

“Рухани жаңғыру” жалпыхалықтық диктант

14.11.2018

Қазан жалпы орта білім беретін мектебі бойынша 14 қараша 2018 жылы, сағат 11.00-11.30 уақыт аралығында “Рухани жаңғыру” тақырыбында жалпыхалықтық диктант өткізілді.
Мақсаты: латын негізді қазақ тілі әліпбиінің, “Қазақ тілі емлесінің негізгі ережелері” жобасының практикалық тұрғыда меңгерілуін жан-жақты қамту, нақтылай түсу, өзін- өзі бағалау, бейімдей түсу.
Жалпыхалықтық диктантқа мектеп бойынша мемлекеттік қызмет ұсынып отырған 19 мұғалім, 15 жастан жоғары 8-10 сыныптан 12 оқушы қатысты. Диктанттың қорытындысы бойынша берілген өлшем негізінде тексеріліп, бағаланды.

Қазан жалпы орта білім беретін мектебі бойынша ата-аналар қауымдастығы алдында Қоғамдық тыңдау (ашық баяндама) өткізілуі

05.11.2018

Қоғамдық тыңдаулар (ашық баяндамалар) – ата-аналар жұртшылығының “Білім туралы” ҚР заңының талаптарына сәйкес маңызды мемлекеттік және басқарушылық шешімдер қабылдауды көпшілік алдында ашық жиналыстар өткізу арқылы талқылау процесіне қатысу құқығын жүзеге асыру формасы.
Қоғамдық тыңдаудың мақсаты: өскелең ұрпақтың азаматтығын және әлеуметтік жауапкершілігін қалыптастыруда ата-аналар рөлін жандандыру.
Осы мақсатты жұзеге асыруда Қазан жалпы орта білім беретін мектебі бойынша 5 қараша 2018 жыл Қоғамдық тыңдау (ашқ баяндама) өткізілді. Ашық баяндамаға 56 -100% ата-аналар жұртшылығы және білім беру мекемесі қызметкерлері, ауыл әкімшілігінің бас маманы М.Касибаева қатысты.
Ашық баяндамада мақсатқа сәйкес құрылған бағдарламасы аясындағы 5 сұрақ көтеріліп,талқыланды.

«1 – сынып оқушыларының мектепке бейімделуі және психологиялық ахуалы» тақырыбындағы педагогикалық консилиум

03.11.2018

2 қарашада «Қазан жалпы орта білім беретін мектеп» мемлекеттік мекемесінде «1 – сынып оқушыларының мектепке бейімделуі және психологиялық ахуалы» тақырыбындағы педагогикалық консилиум өтті. Мақсаты: оқушылардың мектеп өміріне бейімделуін, олардың оқуға деген ынтасын және оқу жүйесін әрі қарай қиындықсыз алып кету дайындығын тексеру. Оқушылардың бойындағы қызығушылықтары мен танымдық әрекеттерін және бейімділіктерін анықтау, оларды дамыту жолдары талқыланды.

 

100 кітап жобасы

02.11.2018

100 кітап жобасы аясында оқушылардың күзгі демалысында мектеп оқушылары жобамен таныстырылды. Елбасымыз Нұрсұлтан Назарбаев: «Адам баласының бүкіл ғұмырындағы ең сенімді және ең сабырлы серігі – кітап, – деп атап өткен болатын. Жобаның мақсаты – оқушыларға қазақ әдебиетінің, әлем классикасының алтын қорындағы аса құнды шығармаларды оқыту, сол туындылардың рухани маңыздылығын жеткізу. Бүгінгі таңда аталған тізімде 60 қазақ әдебиетінің, 40 әлем әдебиетінің классикасы, оның ішінде 20 – ағылшын, 20 – орыс әдебиеті қамтылған. Өскелең ұрпаққа қазақ әдебиетінің және әлем классикасының алтын қорындағы аса құнды шығармалар таныстырылды. Ертегілердің халық ауыз әдебиетіндегі рухани маңыздылығы жас жеткіншектерге түсіндірілді.

Май ауданының қасиетті жерлеріне саяхат

29.10.2018

Қазан жалпы орта білім беретін мектебінде күзгі демалыс жоспарына сәйкес оқушылар Май ауданының қасиетті жерлеріне атап айтқанда Ақшиман ауылының маңындағы Ақбалық Хазірет кесенесі мен Қайса атаның басына барып қайтты. Саяхат барысында Ақшиман негізгі мектебінің ұстаздары оқушыларға Қалмаққырылған тауы және Ордабай батыр жайлы көптеген мәліметтер берді. Саяхат барысында оқушылар Май ауданының қасиетті жерлерінің тарихымен танысып, жақсы әсер алып қайтты.

Ұлттық біліктілік тестілеу тапсырушыларға арналған семинар

27.10.2018

Қазан жалпы орта білім беретін мектебінде 2018 жылдың күзінде жеті педагог Ұлттық біліктілік тестілеу тапсыруға өтініш берді. 27 қазанда аттестатталушы мұғалімдерге арналған ҰБТ тапсыру ерекшеліктерімен таныстыру мақсатында семинар өткізілді. Семинар барысында тақырыптық бейнероликтер мен презентация көрсетіліп, оқу ісінің орынбасары С.Жаксымбетова ҚР Білім және ғылым министірлігінің 29.06.2018 жылдың №316 бұйрығымен таныстырды.

Бастауыш сыныптар арасындағы аудандық математикалық турнир

27.10.2018

Май аудандық білім беру бөлімінің ұйымдастыруымен 2018 жылдың 26 қазан күні Қазақстан негізгі орта мектебінде бастауыш сынып оқушылары арасында VI аудандық математикалық турнир өткізілді. Турнир қорытындысы бойынша Қазан орта мектебінің 3-сынып оқушысы Нұрмұханбет Ернұр – 2-орын, 2-сынып оқушысы Нұрлан Темірлан – 3-орын иеленді. 4-сынып оқушысы Нұртай Ислам алғыс хатпен марапатталды.

“Эко boom” жобасы

17.10.2018

17 қазан күні 1 – сынып оқушылары мен ата-аналары және сынып жетекшісі А.Е.Кайдарова облыстық “Эко boom” жобасына аясында мектеп жанында ағаштар отырғызды. Жобаның мақсаты – жас ұрпақтың қоршаған ортаға деген сүйіспеншілігін арттыра отырып, өз туған жеріне үлес қосуға тәрбиелеу.

«XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» РЕСПУБЛИКАЛЫҚ АТА-АНАЛАР КОНФЕРЕНЦИЯСЫ (8-9 СЫНЫП АТА-АНАЛАРЫНА ПСИХОЛОГИЯЛЫҚ-ПЕДАГОГИКАЛЫҚ КӨМЕК)

14.10.2018

14 қыркүйек күні Қазан жалпы орта білім беретін мектебінде психолог Магнұрова Мөлдір Ақылбекқызы 8-9 сынып ата – аналарына «XXI ҒАСЫРДАҒЫ ҚАЗАҚСТАНДЫҚ АТА-АНА: ӨЗ БАЛАҢА ҮЛГІ БОЛ» (8-9 сынып ата-аналарына психологиялық-педагогикалық көмек) тақырыбындағы Республикалық ата – аналар конференциясын өткізді.
Мектеп психологы ата-аналарға бала тәрбиесіне байланысты, баланың ақпараттық қауіпсіздігін қамтамасыз етуге жауапкершілікпен қарау, баланың Интернетті пайдалануын өз бақылауына қою , балада интернет-тәуелділік қалыптасуының алдын алу, интернеттің қауіпті түрлері (тыйым салынған зиянды тақырып сайттары) туралы құнды кеңестер берді.