Мектеп психологы А.Торгаевның жоспары негізінде 6 –сынып оқушыларының логикалық ойлау қабілеттерін тексеруге бағытталған «Логикалық операцияны тексеру» тесті өткізілді. Нәтижесінде оқушылармен қосымша логикалқ жұмыстар жоспарланды.
2020-2025 ҚР мемлекеттік денсаулықты сақтау бағдарламасы шеңберінде «Снюс-қа жол жоқ!» акциясы өткізілді. Акция негізінде аға тәлімгер Г.Серикбаева 8-11 сыныптардың қатысуымен «Өз өміріңді бұзба» тақырыбында дөңгелек үстел ұйымдастырды.
«Батыр Баян-310 жыл» арналған 8-11 сынып арасында шаңғы жарысы өткізілді. Шаңғы жарысына белсенді қатысқан 8 – сынып оқушылары жүлделі орындармен марапатталды.
Қазан жалпы орта білім беретін мектебінің 8-10 сыныптары ауылдық мәдениет үйінде ұйымдастырылған «Абай-дана, Абай-дара» тақырыбындағы көрмеге қатысты. ОқушыларҰлы Абайдың даналығы мен даралығына өз пікірлерін білдірді. Қорытындысында көрмеге қатысқан оқушылар Абай шығармашылығымен таныса отырып, поэмалары мен қара сөздерін оқуға алды.
Мақсаты – қоғамға риясыз қызмет етуді насихаттауға және идеяны таратуға қоғамның назарын аудару, айналасындағы көмекке мұқтаж жандарға қайырымдылық істер және табиғатқа қамқорлық жасауға балаларды уәждейтін іс-шараларды ұйымдастыру. Қазан жалпы орта білім беретін мектебінде 20 қаңтардан бастап «Қазақстан-қайырымдылық мекені» акциясы шеңберінде мектепте жәрмеңке ұйымдастырдуда. Жиналған қаражат жетім қалған балаларға көмек көрсетуге жұмсалады.
Еріктілер жылы аясында «Оқушылардың қарлы десанты» акциясы күш алуда. Мектебіміздің «Тимуршылар» волонтерлер тобы 22 оқушы көмекке мұқтаж жалғызбасты үлкен адамдардың үйіне барып, қарын тазалауға қолғабыс жасады.
Қазан жалпы орта білім беретін мектебі бойынша 17 қаңтар 2020 жылы ҚР Сыбайлас жемқорлыққа қарсы іс-қимыл агенттігі мен ҚР-ның Білім және Ғылым министрлігінің ұйымдастыруымен мектепте «Адалдық сағаты» өткізілді. Аға тәлімгер Г.Серикбаева «Құрылысшы ақсақал» видеоролигінде көрсетілген адал еңбек етуді мақсат ете отырып, оқушылардың пікірлерімен бөлісті. Қорытындысында оқушылар өз пікірлерін постерге толтырды.
Құтты болсын Жаңа жыл, барша қауым, құтқа орансын кең байтақ дархан елім. Қазақтың пейіліне тарту етсін, табиғат ашық аспан, таң шапағын ! Кішкентай бүлдіршіндер үшін бұл үлкен тосын сый, армандары орындалатын күн. Ертеңгіліміз өте қызықты өтті. Сиқыршының сиқырымен, Маша мен Аюдың ормандағы адасуымен, Аққала мен Спанч Бобтың балаларға шашуымен және Аяз Атаның сыйлығымен жалғастырылды. Балаларымыз ән айтып, би биледі, өлеңдерін айтып ата-аналар тарапынан көрсетілген тартулар тарту етілді. Жаңа жыл жаңа бақыт, әр отбасында бала күлкісін айырмасын.
Аяз-ата шеберханасы “жаңа жыл 2019” мерекесіне орай шыршаны безендіру мақсатында ұйымдастырылды
Жас ұрпаққа Қазақстан Республикасының тәуелсіздікке жеткен кезеңдерін көрсету, еліне, жеріне деген сүйіспеншілігін арттыру, патриоттық сезімін ояту мақсатында желтоқсан айының 12-і күні Қазан жалпы орта білім беретін мектебінде Тәуелсіздік мерекесіне орай «Тәуелсіздік – тынысың, бүгінгі дәулетің, ертеңгі ырысың» атты мерекелік іс – шара өткізілді.
Тәуелсіздік күніне арналған іс-шара мектеп директоры Г.Ж.Сабированың құттықтау сөзімен басталып, бастауыш сынып оқушыларының әдеби монтажымен жалғасты. Сонымен қатар, оқушылар би билеп, ән айтты. Қайрат Рысқұлбековтың желтоқсан оқиғасы кезіндегі тұтқыны туралы көрініс көрсетіліп,16-желтоқсанда болған оқиға туралы оқушыларға танымдық-таныстыру видеослайды көрсетілді.
Қазақстан Республикасының Тәуелсіздік күні құтты болсын! Еліміздің көк аспанында әрдайым бейбітшілік күні жарқырасын!
Тәуелсіз Қазақстанның Рухани және әлеуметтік дамуы жолында қол жеткен табыстары және оның гүлденуіне қосқан зор үлесі үшін “Гүлдер” шағын орталық мекемесінің әдіскері-Тулкина Гульжанат Ертаевнаны құрмет грамотасымен құттықтаймыз! Зор денсаулық, шығармашылық табыс, отбасылық амандық тілейміз!
“Компьютер Ғылымдарының апталығы ” шеңберінде “Қазақстанда код сағаты” акциясы өтуде. Осыған байланысты Қазан жалпы орта білім беретін мектебінде 5-8 сыныптар арасында “Код сағаты-2019” өтті. Барлық оқушылар компьютерлік бағдарламаны меңгеріп, өздерін программист ретінде сезінді.
Қазан жалпы орта білім беретін мектебінде тұнғыш Президент күніне орай мерекелік концерт өтті. Елбасының өмір жолынан үлгі ала отырып Отанын, халқын сүюге, ер жүректілікке, азаматтыққа, патриоттық сезімге тәрбиелеу.
2019 жылғы 29 қарашада Қазан орта мектебінде оқушылардың бойында Ұлт көшбасшысының Қазақстан Республикасының тәуелсіз мемлекет болып қалыптасу мен дамуындағы рөлі туралы түсінікті, қазақстандық патриотизмді және белсенді азаматтық ұстанымды қалыптастыру мақсатында «Заманауи Қазақстан. Елбасының көшбасшылық сабақтары» атты жалпыреспубликалық ашық сабақ өткізілді.
Бірыңғай сабақтың мақсаты: Қазақстан Республикасының Тұңғыш Президенті күнін мерекелеуге арналған және білім беру ұйымдары білім алушыларының назарын Ұлт көшбасшысының ерен еңбектеріне аударуға, жастардың бойында патриоттық және азаматтық жауапкершілік сезімін бекітуге, сондай-ақ өздерінің тұлғалық өсуіне қажетті дағдыларды, көшбасшылық қасиеттерді дамытуға бағытталды.
Қазан жалпы орта білім беретін мектебінде 28 қараша күні Май ауданы білім беру бөлімінің бастығы О.Н.Темірболатованың, Май аудандық тауарлармен көрсетілетін қызметтердің сапасы мен қауіпсіздігін бақылау басқармасының басшысы Утеубаева Алмагүл Нығметқызының, Май ауданы ішкі істер бөлімінің бастығы, полиция полковнигі Каббасов Нығметолла Матанұлының, аудан прокуроры әділет кеңесшісі Сатыбаев Әсет Қайырұлының, ІІБ-нің кәмелетке толмағандар ісі жөніндегі инспекторы міндетін атқарушы Андеров Әлібек Манатұлының, аудандық психологиялық-педагогикалық түзету кабинетінің меңгерушісі Сыздыкова Гулсинай Қанатқызының және ІІ бөлімінің учаскелік инспекторларының, мектеп директорлары, директордың тәрбие ісі жөніндегі орынбасарлары, психологтар, қамқорлық кеңесінің төрайымдары, сынып жетекшілердің қатысуымен аудандық семинар өткізілді.
Семинардың мақсаты: жаңарту жағдайында ата-аналармен жұмысты ұйымдастырудың жаңа амалдарын іс жүзінде іске асыру және білім беру мен тәрбиелеудің өзекті мәселелерін жан жақты талқылау.
Семинар барысында қонақтарға ұйымдастырылған «Кемел келешектің берік тұғыры» жетістіктер галереясы және І бөлімнің ІҮ секциясында: І секция «Х,Ү және Z ұрпақтарының ерекшеліктері» оқушы мен ата-ана арасында дискуссия, ІІ секция «ХХІ ғасырда сұранысқа ие болатын мамандықтар» семинар-практикум, ІІІ секция «Құндылықтар дағдарысы» семинар-сабақ, ІҮ секция «Тұлға қабілеттілігінің психологиялық ерекшеліктері» психологиялық ағарту жұмысы өткізілді.
Әр секцияда ата-аналармен жұмыс жасаудың түрлі формалары көрсетілді. І бөлімнің қорытындысы ретінде әр топ спикерлері жасаған жұмыстарын қорғады.
Семинардың ІІ бөлімі «Білім беру мен тәрбиелеудің өзекті мәселелері» тақырыбында қонақтардың қатысуымен дөңгелек үстел өткізілді.
Семинардың нәтижесінде қатысушылардың пікірі ортаға салынып, оқушы тәрбиесі өзекті және аса маңызды жауапкершілікті қажет ететін жұмыс деген ортақ пікірге келді.
Бүгін БҰҰ-ның Бала құқықтары туралы конвенциясының 30 жылдығы мен Қазақстан Республикасындағы 25 жылдығына орай 6-8 сыныптар арасында “Мен және менің құқығым” тақырыбына сынып сағаты өткізілді. Мақсаты: Құқық ұғымы, құқықтық қатынастар туралы оқушылардың сауаттылығын арттыру.
