Ынтымақтастық – тәрбие негізі
2013 жылы 4 желтоқсан күні Қазан жалпы орта білім беретін мектебінде, білім беру бөлімінің қолдауымен «Ынтымақтастық – тәрбие негізі» тақырыбында аудандық семинар өткізілді. Мақсаты: Ынтамақтастық тәрбие негізінде жас ұрпақты тәрбиелеу.
Семинарға Май ауданының білім беру әдіскерлері және ауданымыздың жас жеткіншектеріне тәрбие беру жолында аянбай қызмет етуші тәрбие ісінің орынбасарлары мен аға тәлімгерлері қатысты. Семинар 2 бөлімнен тұрды.1-ші бөлімді мектеп психологы «Кереге» жаттығуымен бастап, бағдарлама бойынша ашық тәрбие сағаттарына қатысты. 2-ші бөлім тәжірибе алмасу жұмыстарымен жалғастырылды. Тәрбие ісі жөніндегі орынбасарлары отырысында Ж.М.Шарипбекова Малайсары ОМ «Салауатты өмір салтын қалыптастыру», К.Н.Смагулова Жалтыр ОМ «Ата-аналармен жұмыс», Г.К.Тұрсынбаева Ақжар ОМ «Тәрбие жұмысының 12 бағыт бойынша жоспарлануы» тақырыбында баяндамаларын оқып, тәжірибелерімен алмасты. «Балалар ұйымы – жастар тәрбиесінің бастамасы» тақырыбында аға тәлімгерлер арасында жұмыс бағыты талқыланды.
«Ынтымақтастық – тәрбие негізі» атты аудандық семинарды білім беру бөлімінің әдіскерлері Г.К.Заировамен А.А.Бакебаева қорытындылап, ұсыныстарын айтты.
Жас ұрпақты тәрбиелеу жолында ынтымақ пен бірлігіміз жалғаса берсін!
